O Conselho da AGAL enviou um comunicado a todas as pessoas associadas para dar conta da decisom de apoiar o ‘Projecto Moas’ da Semente, solicitando a colaboraçom também individual da massa associativa agálica. Tal e como lembra a comunicaçom do Conselho “há quase 10 anos, a 31 de agosto de 2011, o nosso PGL publicava umha notícia com o seguinte manchete “Abre ‘Semente’, primeira escola de ensino em galego” recolhendo a abertura da primeira Escola de Ensino Galego”. Umha iniciativa que, impulsionada pola ‘Gentalha do Pichel’, e procurava conformar as bases dum projecto que no só colocava o foco na língua mas também na coeducaçom, laicidade, assemblearismo, ambientalismo, autorregulaçom e a integraçom social. Desde aquele primeiro momento a AGAL, e a sua base associativa, mostrou um apoio firme à ‘Semente’ procurando estreitar laços e dando apoio por várias vias. Umha das peças fundamentais deste apoio foi a difusom e publicidade da iniciativa que, desde os incíos, se tem feito nas diferentes versões do PGL.
Desde aquele primeiro momento a AGAL, e a sua base associativa, mostrou um apoio firme à ‘Semente’ procurando estreitar laços e dando apoio por várias vias. Umha das peças fundamentais deste apoio foi a difusom e publicidade da iniciativa que, desde os incíos, se tem feito nas diferentes versões do PGL.
Já em 2013 a AGAL, estabeleceu como um dos seus objectivos rabalhar para o ensino nom-universitário, fomentando o português nas aulas, criando material para professorado de galego e apoiando, no ensino infantil, a ‘Semente’. Daquela, o Conselho ficou mandatado para procurar essas vias de colaboraçom e loco a seguir incorporou-se umha quota de apoio à ‘Semente’ na própria ficha associativa da AGAL. Na mesma linha houvo doaçom de livros, cessom direitos de autor/a da Através Editora, criaçom de um espaço Semente no éMundial e várias cessom de espaço no posto agálico do Culturgal.
“Durante todos estes anos estivemos acompanhando as inovadoras iniciativas da ‘Semente”, sinalam, tanto como associaçom como com a implicaçom de muitas das associadas no cerne do projecto. E por isso que agora querem voltar a reforçar esta ligaçom e darem um apoio público e decidido ao ‘Projecto Moas’, que vai significar um salto qualitativo da ‘Semente’ preparando-a para um futuro ainda mais ambicioso” continua a comunicaçom do Conselho.
Para finalizar com um duplo compromisso “desde já encorajamos a toda a nossa base social a contribuir com o ‘Projecto Moas’ –entrando aqui– e anunciam que a própria AGAL como entidade doará 2.000 € dentro desta campanha, entendendo que a ‘Semente’ continua a ser um dos objectivos estratégicos da associaçom”.
