PGL – Eduardo Maragoto, membro do Conselho da AGAL, participou ontem no ato de clausura do V Congresso Nacional da organizaçom juvenil Briga.
Briga, organizaçom juvenil da esquerda independentista, foi criada no ano de 2005. Os seus princípios inserem-se na defesa do marxismo, o feminismo e o internacionalismo, junto com a conceçom reintegracionista do galego.
Segundo explicárom ao PGL fontes da organizaçom, durante toda a jornada do Congresso, a militáncia presente participou num encontro diurno de exposiçom e debate das teses política e organizativa propostas pola Mesa Nacional saínte, incorporando-se ao debate as emendas achegadas polos grupos de base de todo o País. Daí saírom uns Estatutos e umha análise de conjuntura «sobre as problemáticas mais apremiantes que achamos na nossa vida quotidiana como jovens galegas e galegos de hoje». Também foi eleita a nova Mesa Nacional.
