PGL – A 14 de março, a AGAL estará representada em Alacante nas II Jornades de Normalització Lingüística, organizadas polo Sindicato de Estudantes dos Países Cataláns (SEPC). Eugénio Outeiro, membro do Conselho da associaçom, participará numha mesa redonda sobre normalizaçom de línguas románicas sem estado.
O SEPC trabalha no ámbito educativo em torno a cinco eixos: ensino em catalám, antipatriarcal, de qualidade, público e popular. O objetivo é propor, através de umha metodologia assambleária, medidas para transformar o ensino desde a base.
Atualmente, desde os diversos ámbitos universitários está-se a trabalhar para dotar a Universitat d’Alacant de um plano de política lingüística capaz de normalizar o uso do catalám do País Valenciano nos espaços académicos e investigadores mais elevados. O sindicato, como organizaçom composta por estudantes, visa participar no processo mediante estas jornadas, abertas a todas as pessoas interessadas.
Junto com Eugénio Outeiro, estarám na mesma mesa redonda o asturiano Santiago Fano Méndez, e o porta-voz nacional do SEPC, David Carmona.
