PGL – O Conselho da Associaçom Galega da Língua (AGAL) lamenta o passamento do artista e empresário cultural Isaac Díaz Pardo, falecido hoje. A entidade reintegracionista salienta a sua condiçom como pessoa «profundamente comprometida com o País», prova do qual foi o «compromisso insubornável com a língua da Galiza» que o caraterizou.
A AGAL, entidade na qual Isaac Díaz Pardo tinha muitas amizades, lembra a homenagem que a associaçom organizou em 2008. No decurso desta entregou-lhe um diploma que reconhecia o seu trabalho como galego «bom e generoso», e dedicou à sua pessoa o livro Isaac Díaz Pardo e a Língua, obra com a qual a AGAL iniciou a coleçom literária Testemunhos.
Isaac Díaz Pardo e Isaac Alonso Estraviz
[prima aqui para ampliar]
É nessa obra, dividida em vários volumes, que melhor se podem corroborar esses vínculos entre Díaz Pardo e a associaçom. Nela, diferentes pessoas com responsabilidades na associaçom referiam-se ao prestigiado inteletual como umha pessoa capaz de sentir «angústia» se a sua obra ficar inacabada ou seguir «roteiros fora da identidade galega», «um desses milagres que se produzem por fortuna de quando em vez neste país para que sigamos a ter esperança», um galego com «clara conceçom da unidade lingüística galego-portuguesa» ou «só que tivéramos cem mais como Isaac esta terra seria outra».
Exemplo dessa conceçom é a publicaçom em normativa reintegracionista do trabalho Tentando construir uma esfinge de Pedra. Desassossegos de Isaac Díaz Pardo, publicado por Ediciós do Castro.
Homenagem no Museu do Povo
Amanhã, sexta-feira, dia 6 de janeiro, a partir das 11 horas haverá um ato de homenagem e despedida no Museu do Povo, em Sam Domingos de Bonaval, ao qual assistirám membros do Conselho da AGAL.
+ Artigos de homenagem no PGL:
- O galego e o português, por Isaac Díaz Pardo. Artigo publicado no volume Isaac Díaz Pardo e a Língua. Homenagem da AGAL.
- A nossa língua vista por Isaac Díaz Pardo, por José-Martinho Montero Santalha.
- Isaac Díaz Pardo, um dos bons e generosos, devidamente acreditado, por Alexandre Banhos.
- Carta a Isaac Díaz Pardo, por Adela Figueroa Panisse.
+ Ligações relacionadas:
- Isaac Díaz Pardo recebeu diploma de “galego bom e generoso” por parte da Agal [Velho PGL, 17/06/2008]
- Isaac Díaz Pardo e a Língua. Homenagem da Agal [PGL, 03/06/2008]
- Díaz Pardo insiste: “O galego está a morrer; se nom se abrir à naçom irmá, que pode sustentá-lo, nom vai ficar em nada” [Entrevista para o Novas da Galiza publicada na íntegra no Velho PGL, 22/03/2008]
- Medalha para Isaac Díaz Pardo [Velho PGL, 10/12/2007]
- Isaac Díaz Pardo publica os seus «desassossegos» em normativa reintegracionista [Velho PGL, 24/09/2007]
- Isaac Díaz Pardo e a Língua. Homenagem da AGAL. PDF que recolhe alguns dos textos da homenagem
- Isaac Díaz Pardo e a Língua, ficha na Imperdível
