PGL – A Associaçom Galega da Língua editou o mapa A Nossa Língua no Mundo, que estará à venda este fim-de-semana no Festigal e também na loja Imperdível. Este trabalho, que exibe de forma clara o potencial da nossa língua, está baseado num outro de 1980.
Nesse ano, a editora corunhesa Edicóns do Rueiro editava um manual escolar de título Língua, gramática metódica da língua galega, da autoria de Xoán Carlos Rábade, Xosé Ramón Pena e M. Carme Vázquez. O desenho gráfico ia por conta de Xosé Manuel Pereiro. Este manual fora elaborado seguindo a norma de 1980, criado por umha comissom dirigida por Ricardo Carvalho Calero. O próprio professor prologava o texto onde se podia ler: “o galego, efectivamente, non é unha língua morta que queiramos resucitar, senón unha língua decaída que queremos rexenerar”.
Neste manual, na sua página 16, falava-se da área línguística galego-portuguesa aparecendo umha tabela das línguas mais faladas no mundo ocupando a nossa o lugar sexto. Debaixo desta classificaçom aparecia o mapa O galego-portugués no mundo:
[prima aqui para ampliar o mapa]
Inspirando-se neste mapa, a AGAL elaborou um outro que inclui:
- países onde a nossa língua é oficial
- países com importantes comunidades de falantes
- países membros da CPLP, candidatos a membros, observadores associados e candidatos a observadores associados.
[prima aqui para ampliar o mapa]
É intençom da AGAL que este mapa sirva “para desterrar preconceitos e auto-paralisias e que as geraçons que crescerem com ele interiorizem que o galego, para além de ser a nossa língua, é umha vantagem competitiva da sociedade galega”.
+ Ligações relacionadas:
- AGAL terá um ‘super-posto’ no Festigal [PGL, 23/07/2010]
- Novidades na loja Imperdível às portas do Dia da Pátria [PGL, 20/07/2010]
