Como no ano anterior, a AGAL voltou a fazer umha doaçom económica às Escolas de Ensino Galego Semente. Desta vez fôrom 925 euros, integrados com a soma da doaçom dos direitos de autor de três livros (Breve História do Reintegracionismo, de Tiago Peres, Percursos sem roteiro, de Joám Facal e Livros que ninguém lê, de Isaac Lourido) e a quota de ajuda para a Semente que ativaram parte dos sócios e sócias da AGAL.
Em declaraçons ao PGL, o presidente da Associaçom Galega da Língua (AGAL), Eduardo Maragoto, afirmou que haverá mais colaboraçons deste tipo proximamente e lembrou que “a AGAL fai todos os anos doaçons por valores superiores aos 1.000 € destinadas a diferentes projetos sociais que trabalham em prol do idioma”. Para este cometido, a entidade reintegracionista encontrou a colaboraçom de vários dos autores que publicárom trabalhos com o selo editorial da AGAL, a Através Editora, e o contributo voluntário de muitos sócios e sócias. Ainda, frisou “a necessidade de que mais coletivos e pessoas colaborem economicamente dentro das suas possibilidades com um projeto educativo que será fundamental para o futuro do idioma nas nossas cidades: a Semente.”
De esquerda a direita: Gabriela Fernández Pérez, Diana Giráldez Monteagudo (co-fundadoras da Semente de Vigo) e Eduardo Maragoto (presidente da AGAL)
