PGL – No vindouro dia 5 de novembro, a Associaçom Galega da Língua (AGAL) celebra no Museu do Povo Galego, em Santiago de Compostela, o ato comemorativo do 30º aniversário da entidade reintegracionista.
A receçom aos assistentes será às 11 horas, e a partir das 11:30 invervirám diferentes pessoas que explicarám nas suas próprias palavras diferentes aspetos da história da associaçom. O ato, aberto à participaçom de simpatizantes que ainda nom se tornárom sócias/os da associaçom, encerrará contra as 13 horas com degustaçom de aperitivos e bebidas. Devido ao facto de a lotaçom ser limitada, as pessoas que desejarem participar devem endereçar umha mensagem eletrónica à Secretaria da AGAL, em secretaria[arroba]agal-gz.org.
Homenagem Estraviz e Montero Santalha
Na mesma data, mas já ao meio-dia, haverá umha homenagem aos sócios da AGAL e membros da AGLP Isaac Alonso Estraviz e José-Martinho Montero Santalha. Decorrerá a partir das 14h15 no restaurante O 16, mesmo ao pé do Museu do Povo Galego. As pessoas que desejarem participar devem endereçar com antecedência umha confirmaçom para a Secretaria da AGAL, em secretaria[arroba]agal-gz.org. O preço do menu é de 20€.
+ Ligações relacionadas:
- Restam menos de três meses do concurso para eleger novo logótipo da AGAL [PGL, 25/08/2011]
- AGAL, «contra-peso permanente para evitar a fossilizaçom que traz consigo o hiperdiferencialismo» [PGL, 18/07/2011]
- AGAL organiza o festival éMundial de 4 a 9 de julho [PGL, 17/06/2011]
- 2011 é o ano do 30º aniversário da AGAL [PGL, 09/02/2011]
