PGL – Até 1 de junho é possível participar no I Certame de Relatos Curtos que organiza a Associaçom para a Defesa Ecológica da Galiza (ADEGA) com o patrocínio da Vice-presidência 1ª da Deputaçom de Lugo. O concurso leva por título «O lugar onde vivo» e forma parte da campanha «Cultura e Território» da organizaçom ambientalista.
A temática dos relatos versará sobre histórias fantásticas, factos ou experiências próprias que tenham a ver com a ideia que a populaçom galega possui acerca do lugar em que mora, como foi, como é, as agressons que está a sofrer, como quigéramos que fosse e as expetativas que procuramos para atingir e manter a sua ótima conservaçom. Trata-se de que através do relato as galegas e galegos exprimam as suas inquietaçons sobre o nosso entorno natural.
A localizaçom de qualquer zona geográfica estará limitada ao âmbito territorial e nacional da Galiza. Qualquer pessoa da Galiza poderá-se apresentar ao certame tendo em conta as seguintes categorias:
- Juvenil: Até os 16 anos inclusive
- Adulto: a partir dos 17 anos.
Enviaram-se um máximo de dous relatos, originais, inéditos e nom ganhadores noutros certames. Os relatos terám umha extensom mínima dum fólio e máxima de 6, em computador, duplo espaço por umha só cara, Arial 12 e escritos em galego. Serám enviados em envelope fechado com o nome do relato e pseudónimo. No interior desse mesmo envelope apresentará-se um exemplar do relato, com o título e assinado também com o pseudónimo.
Noutro envelope fechado com o mesmo título e pseudónimo no exterior, incluirá-se no seu interior dados pessoais da autora ou autor (nome e apelidos, endereço, data de nascimento, telefone e e-mail).
Os relatos remitirám-se por correo postal certificado è Delegaçom de ADEGA-Lugo, Ronda das Fontinhas 180 Rés-do-chao B. 27002 Lugo.
Também se poderámentregar nas próprias oficinas de ADEGA-Lugo, no endereço já citado, ou via correio eletrónico (culturaeterritorio[arroba]adega.info) em arquivo anexo com o título do relato e pseudónimo e noutro arquivo anexo com o pseudónimo constarám os dados pessoais da autora ou autor. A organizaçon confirmará a chegada dos relatos através do correio eletrónico. A data limite de entrega finaliza no 1 de junho de 2011, incluída esta.
O júri está composto por seis integrantes: presidente do júri e vogal designados por ADEGA, um vogal designado pola Vice-presidência 1ª da Deputaçom de Lugo, um vogal designado pola Associaçom de escritores em lingua galega (AELG), um vogal designado pola Associaçom galega da Lingua (AGAL), e um vogal designado pola USC. Estes decidirám de modo inapelável por maioria de votos.
Os critérios para a valorizaçom das obras som os que seguem: Qualidade do trabalho apresentado, correspondência com a temática do certame, e originalidade.
Os prémios consistirám em:
- Categoria adulto, Primer Prémio: Bono por valor de 250 euros(livros) e Diploma
- Categoria juvenil, Primer Prémio: Bono por valor de 200 euros(livros) e Diploma.
Aqueles relatos que nom forem premiados e os melhores de todos aqueles que nom obtiveem prémio ham ser objeto de exposiçom na página web de ADEGA assim como em qualquer outras exposiçons e publicaçons.
