PGL – Hoje, dia 2 de maio, às 20h15, terá lugar na Gentalha do Pichel (r/Santa Clara 21, Compostela) umha mesa redonda sobre o conflito lingüístico no Curdistám norte. Participarám Irfan Guler, Pepa Bahamonde e Séchu Sende. A atividade nasce a partir da experiência da traduçom para curdo e turco do livro Made in Galiza, do escritor Séchu Sende.
Como noticiado polo PGL em começos de ano, a versom curda do Made in Galiza foi designado melhor livro nessa língua em 2010. O título em curdo do livro é Di xewnan de jî ez ê zimanê xwe winda nekim, que traduzido ao galego seria Nem em Sonhos Vou Perder a Minha Língua, e está editado por Avesta.
A obra comercializou-se a 17 de maio, Dia das Letras Galegas, só dous dias depois do Dia das Letras Curdas. Foi traduzido por até 35 pessoeiros curdos, e prublicárom-se três edições conjuntas de 1.000 exemplares cada umha.
No prólogo da editora Avesta explica-se que umha parte importante da situaçom do curdo está ligada com a psicologia. Por este motivo, no livro pode-se comprovar como «este problema nom é apenas dos curdos, despreciar-se a si próprio é umha caraterística comum dos povos submetidos».
Cartaz da atividade (prima aqui para ampliar)
+ Ligaçons relacionadas:
