O concurso Balbino de Relatos, nascido ao amparo do célebre escritor Xosé Neira Vilas, fai este ano 2025, dez anos de vida.
O prazo para envio de originais está aberto até a sexta-feira 27 de junho de 2025.
A primeira década de história dum certame que leva por bandeira a essência de “Balbino”, o personagem mais emblemático do finado escritor que com o seu livro, Memórias dum neno labrego, marcou gerações de galegos e galegas.
Con esta nova ediçom, consolida-se este concurso de relatos como un referente nos certames literários galegos, sendo origem da carreira de vários escritores atuais que deron os seus inicios con este prémio, como Xian Lois Alcayde Dans como ou Ricardo Ferreiro, natural de Sevilha mas com raízes galegas. Outros, viram publicado o seu primeiro livro já após a reforma, como foi o caso do ferrolám Carlos Neira.
Convocatoria
O certame Balbino, de periodicidade anual, pretende ser um incentivo para todas as pessoas que queiram participar na promoçom e difussom da cultura galega. O prazo para envio de originais está aberto até a sexta-feira 27 de junho de 2025. Podem participar pessoas de qualquer idade ou nacionalidade, sempre que o texto esteja em galego e a temática seja a vida no rural, no mar ou na emigraçom. A obra apresentada poderá estar composta dum único relato ou de vários, sempre com umha extensom comprendida entre 100.000 e 200.000 caracteres. A pessoa autora da obra ganhadora receberá um prémio económico de 1.500 euros e a publicaçom da obra por Edicións Fervenza. O falho do jurado dara-se a conhecer no mês de setembro, e já no último trimestre do ano 2025 começa o processo editorial para ter o livro sair publicado.
Este certame conta com o apoio da Secretaría Xeral da Lingua da Consellaria de Cultura, Lingua e Xuventude da Xunta da Galiza, o departamento de Cultura e Lingua da Deputación de Ponte Vedra, a Fundación Xosé Neira Vilas, e os concellos de Boqueixom, Silheda e Vila de Cruzes.
Edições anteriores
Na última ediçom do Concurso “Balbino” de Relatos, em 2024, a obra ganhadora foi O meigallo dos soños, que resultou da autoria de Juanjo Lamelas (Ourense). Os anteriores anos, as obras premiadas foram:
Camiños na sombra, de Xián Lois Alcayde Dans (A Corunha)
De que falarán as árbores, de Ricardo Cid Paz (Ourense)
Máis alá do río do esquecemento, de Ricardo Ferreiro Almeda (Sevilha)
Banda Sonora Orixinal, de Pablo Nogueira Campo (O Carvalhinho, Ourense)
Bica de Montouto, de Pepe Peinó (O Valadouro, Lugo)
Gumes entre a néboa, de Xosé Alfredo Naz Fernández (Vigo)
A comuna de Valdonelle, de Carlos Neira Suárez (Ferrol)
Loucine, de Clara Martín (Ourense)
