Partilhar

Aberto prazo para o VI Concurso “Quero Cantar” de música infantil e juvenil

O prazo de apresentaçom de maquetas rematará o 15 de março de 2023

O certame contempla 6000 euros em prémios em metálico, a produçom da gravaçom de dous videoclipes e um programa formativo que inclui umha tutoria artística, umha residência no Paço de Marinhám e um obradoiro de sonorizaçom.

Pode participar qualquer grupo ou solista que apresente a maqueta dumha cançom em galego, com letra e música originais e inéditas, que nom fossem publicamente difundidas antes por ningum tipo de suporte nem canal.

Em funçom das idades estabelecem-se as seguintes categorias:

Categoria A (Infantil), até 12 anos
• Número máximo de componentes: 12
• Para esta categoria permíte-se que, incluída no limite de 12 componentes, participe umha pessoa que supere o limite de idade, que nom poderá ser a voz solista, e sempre que o grupo seja de mais de 2 membros.

Categoria B (Juvenil), de 13 a 16 anos
• Número máximo de componentes: 12
• Para a categoria B, igualmente dentro do limite de 12 participantes, permíte-se um número indeterminado de exceções ao limite de idade inferior, sempre que este número nom chegue à metade de membros totais do grupo.

A autoria da letra e a música da cançom, nas duas categorias, deve ser da pessoa solista ou dos membros do grupo que a apresentem.

Estabelecem-se os seguintes prémios:

1º classificado na categoria infantil:
• Gravaçom da maqueta em estúdio profissional
• Gravaçom dum videoclipe da cançom ganhadora
• Material musical (instrumentos, equipamento…) ou produtos culturais em galego (livros, discos, cinema, jogos..) por valor de 1500 €

1º classificado na categoria juvenil:
• Gravaçom da maqueta em estúdio profissional
Participaçom no programa formativo Quero Cantar 2022-2023, que inclui umha tutoria por parte dum ou dumha artista de reconhecida trajectoria na música galega para o desenvolvimento dumha cançom, umha residência do Paço de Marinhám e um obradoiro de sonorizaçom.
• Gravaçom dum videoclipe da cançom realizada no programa formativo.
• Material musical ou produtos culturais em galego por valor de 1500 €

2º classificado em ambas as categorias:
• Gravaçom da maqueta em estúdio profissional.
• Material musical ou produtos culturais em galego por valor de 1000 €

3º classificado em ambas as categorias:
• Gravaçom da maqueta em estúdio profissional.
• Material musical ou produtos culturais em galego por valor de 500 €

Noelia Perpetuo, pola cançom “Bolboreta”, e Bonhomía, pola cançom “Veneradas obrigas” forom as ganhadoras da passada ediçom dum certame que também premiou a A Música das Baleas (com “A peor xogada”), Isma Kalo (“A quen lle importa”), Cortegadaos (“Eu quero ser unha árbore”) e Cortegadaos (“Eu quero ser unha árbore”), entre outros.

As solicitudes presentaram-se de jeito telemático na sede eletrónica da Deputación da Coruña, a través da plataforma de tramitaçom electrónica da Deputación. As bases estám publicadas no BOP do 14 de dezembro e podem-se consultar e descarregar na web www.querocantar.gal

Esta é umha iniciativa da Deputación da Coruña para promover e difundir o uso da língua galega e a criatividade poética e musical.

Comissom Linguística da AGAL reinicia os seus trabalhos

AGAL organiza obradoiros de português para centros de ensino primário e secundário em Moanha

Saioa Sánchez, neofalante: “Para mim faz muito sentido falar galego se vais viver na Galiza”

Lançamento do livro “André”, de Óscar Senra, com Susana Arins em Vedra

AGAL e Concelho de Cotobade apresentam Leitura Continuada da República dos Sonhos

Queique de abacate e limão

Comissom Linguística da AGAL reinicia os seus trabalhos

AGAL organiza obradoiros de português para centros de ensino primário e secundário em Moanha

Saioa Sánchez, neofalante: “Para mim faz muito sentido falar galego se vais viver na Galiza”

Lançamento do livro “André”, de Óscar Senra, com Susana Arins em Vedra