O certame tem por objeto premiar a melhor cançom lírica, para voz e piano, escrita sobre um poema de Manuel María.
A Casa-Museo Manuel María vém de convocar mais umha ediçom, a quarta, do Concurso Manuel María de Composicións Musicais. O certame tem por objeto premiar a melhor cançom lírica, para voz e piano, escrita sobre um poema de Manuel María.
Haverá um prémio em metálico para a composiçom ganhadora e as partituras das canções finalistas serám publicadas e distribuídas em conservatórios e escolas de música.
O 4 de outubro decorrerá um concerto público na Casa-Museo Manuel María onde serám interpretadas, com voz de barítono acompanhada de piano, as composições seleccionadas como finalistas e determinara-se a cançom ganhadora.
O concurso está aberto à participaçom de todas as compositoras e compositores que o desejarem, qualquer que seja a sua nacionalidade ou residência, sendo a data límite de presentaçom dos trabalhos o 15 de junho. As composições deverám ser realizadas sobre um poema de Manuel María, sendo originais, inéditas, sem estrear e estar clasificadas dentro da modalidade de cançom galega. As músicas estarám escritas, nesta ediçom, para voz de barítono.
O certame convocado conta com um único prémio em metálico de 1.000 euros para a composiçom ganhadora ao que há que acrescentar a publicaçom das partituras das canções finalistas e a sua distribuiçom gratuita a todos os Conservatórios e Escolas de Música da Galiza.
O concurso desenvolvera-se em duas fases de jeito que na primeira o jurado seleccionará um máximo de cinco canções finalistas que pasarám para umha segunda fase. Na fase final determinara-se a cançom ganhadora entre as designadas como finalistas na primeira fase. Para isso levara-se a cabo um ato com concerto público que terá lugar no Auditorio da Casa-Museo Manuel María o 4 de outubro. Um barítono e um pianista interpretarán as canções seleccionadas, dentro dum recital de canções galegas. No próprio acto, após a correspondente deliberaçom, o jurado dará a conhecer a cançom ganhadora.
Músicas premiadas nas edições anteriores:
Na edición de 2024, Neno, da autoría de Saúl Aguado de Aza:
Na ediçom de 2023 Falan uns campesiños aos que lles expropiaron as terras, da autoría de Xesús Xosé Iglesias González:
E na ediçom de 2022, Fisterra, de Saúl Aguado de Aza:
