PGL – O Instituto Galego de Estudos Europeus e Autonómicos (IGEA) organiza de 17 a 19 de dezembro o I Simpósio Internacional ‘Ecolingua 2009’. As principais temáticas do evento serám «a coexistência de línguas, a realidade plurilingüe da Galiza, o papel de cada idioma num país e as políticas e fórmulas de convivência lingüística no Estado ou no ámbito internacional».
Durante os três dias do encontro, ao redor de meio cento de pessoas participarám em mais de vinte conferências e mesas redondas. O IGEA promete que, de um lado, fará-se umha «diagnose» sobre a situaçom lingüística galega em ámbitos como os meios de comunicaçom, a justiça e a Administraçom, o ensino, as instituiçons, o mundo empresarial, as culturas emergentes ou a sociedad civil. Do outro, realizará-se umha «análise comparada de outras realidades plurilingües» do Estado espanhol e do resto do mundo, com palestras sobre o Quebeque, Finlándia, Gales, Luxemburgo, Catalunha, País Basco ou País Valenciano.
Ainda, a Lusofonia «terá também um apartado especial» que será tratado «por especialistas portugueses e brasileiros», além de projectar-se um avanço do documentário Brasil somos nós, do músico Carlos Núñez.
+ Ligaçons Relacionadas:
