PGL Países Cataláns – A Plataforma pola Língua acaba de publicar o guia De cara a la ciutadania, de cara al català. Esta nova publicaçom pretende dar resposta às novas necessidades lingüísticas com as que se encontra actualmente o pessoal das administraçons públicas e entidades preparadoras de serviços públicos.
O guia foi editado com a colaboraçom da Fundaçom Lluís Carulla e foi apresentada e editada com o objectivo de se converter numha ferramenta útil para todos os trabalhadores e trabalhadoras das administraçons públicas e entidades que realizam um serviço público na Catalunha (sob administraçom da Generalitat).
O objectivo principal é dar resposta às novas necessidades lingüísticas com que se encontra este colectivo no seu trabalho diário, tendo em conta que em poucos anos passou-se de um contexto bilíngüe ou trilíngüe (no Vale de Arám) a outro muito mais diverso no que se falam mais de 250 línguas. Por todo isto, os profissionais vem-se avocados a umha realidade lingüística no que a língua joga um papel de primeira ordem como elemento básico para a futura inclusom social das pessoas recentemente chegadas.
O guia, que contém umha apresentaçom a carrego do director da Escola de Administraçom Pública da Catalunha, Carles Ramió, também foi prologada polo presidente da Associaçom de Municípios e Comarcas (ACM), Salvador Esteve, e polo presidente da Federçom de Municípios da Catalunha (FMC), Manuel Bustos.
A estrutura desta publicaçom baseia-se em quatro temáticas: a primeira delas tem por objectivo mostrar, através de dados, quais som as características da língua catalá: o âmbito no que se fala, a quantidade de falantes que tem. Quanta gente a conhece, a vitalidade e importância da língua catalá, a diversidade lingüística do país, percentagem de emigrantes que aprendem a língua ou as boas práticas em acolhida lingüística nas administraçons públicas catalás.
A segunda temática centra-se naqueles elementos que fazem referência à língua e que afectam aos trabalhadores da administraçom pública ou entidades de serviços públicos. Entre estes elementos há, por exemplo, o da eleiçom lingüística, a normativa que afecta ao sector público, a consciência de ser um referente lingüístico, a superaçom de tópicos e umha série de estratégias para facilitar a comunicaçom oral e escrita.
A terceira temática que abarca o guia som informaçons dirigidas às pessoas usuárias da administraçom ou de entidades prestadoras de serviços públicos. Neste apartado, o guia explica as oportunidades que oferece a lígua catalá, o ensino do catalám para adultos, o Voluntariado pola Língua, o âmbito da escola, as empresas e estabelecimentos abertos ao público e as consultas ou incidências relacionadas com o uso da língua.
Por último, o quarto apartado fai referência à temática dos recursos práticos, onde se encontram umha série de recursos dirigidos aos profissionais do sector público (dicionários, serviços de traduçom etc). Também se encontram umha série de recursos para as pessoas usuárias dos serviços que oferecem as instituiçons e entidades públicas (cursos de catalá presencial e nom presenciais, programas para melhorar a comunicaçom oral em catalám, recursos para as empresas etc).
Ademais, o guia conclui com um anexo onde há seleccionados uns conteúdos relacionados com a língua catalá no Pacto Nacional para a Emigraçom, e umha recompilaçom da normativa legal sobre a língua na Catalunha.
A Plataforma editou 4.000 exemplares desta publicaçom, que se distribuirám principalmente nas câmaras, deputaçons, conselhos comarcais e entidades que desempenham serviços públicos.
O guia está disponibilizado em formato pdf nesta ligaçom.
