PGL – A loja Imperdível também quer divulgar livros de pensamento, reflexom e crítica. Neste caso, Educaçom e Cultura em Gramsci, de Carlos Mezones. O autor analisa a partir da óptica gramsciana ligada à marxista, como a classe dominante, para sua hegemonia e perpetuaçom, necessita dirigir os seus esforços ao controlo da educaçom e cultura.
Nos primeiros capítulos, o livro de Mezones introduz umha série de reflexons sobre os clásicos marxistas, para logo se introduzir de cheio já no pensamento gramsciano e na profundidade das suas concepçons teóricas. Gramsci afirma que a educaçom pertence ao ámbito da sociedade civil e está enquadrada na superestrutura económico-social, sendo aqui onde se produz a hegemonia político-cultural do bloco social dominante.
Este bloco social dominante necessita para sua perpetuaçom o controlo da educaçom e a cultura em todos os níveis sociais. Assim, esta classe dominante há ver garantido o seu domínio e direcçom ao conjunto da sociedade. Conforme afirma Menzones: “Sociedade política e sociedade civil articulam-se para garantir a hegemonia desta elite dominante”.
Gramsci entende a própria existência de qualquer um ou qualquer umha, em total liberdade, ligada directamente à emancipaçom das classes populares. Este pensamento é também parte da vontade optimista deste pensador, mália às terríveis circunstáncias que lhe tocárom viver, sempre mantivo a vontade férrea de mudança desta sociedade injusta baseada numha divisom em classes.
+ Ligaçons relacionadas:
