À espera de as circunstâncias sanitárias melhorarem, momento em que a AGAL avançaria com umha leitura continuada completa do principal romance de Carvalho Calero, este ano a AGAL fará só umha leitura simbólica do mesmo. Para isso, já estám a pedir aos leitores e leitoras anotadas para a falhada leitura presencial, colaboraçom para realizar umha leitura simbólica do mesmo, enviando vídeos de cada trecho.
A leitura consistirá na montagem em vídeo de trechos lidos e filmados nas casas (ou locais de trabalho) e polos meios de cada participante, que deverá enviar o trecho de leitura que lhe corresponder até o dia 17 deste mês. Para a filmagem do vídeo, a organizaçom disponibilizou este vídeo-modelo com instruções para a filmagem proporcionadas por Jon Amil.
Em troca da colaboraçom, cada leitor ou leitora receberá umha máscara Carvalho 2020, um exemplar da ediçom comemorativa do Scórpio editada por ocasiom desta leitura e umha saquinha para o levar.
Em troca da colaboraçom, cada leitor ou leitora receberá umha máscara Carvalho 2020, um exemplar da ediçom comemorativa do Scórpio editada por ocasiom desta leitura e umha saquinha para o levar.
Caso queiras participar e nom tivesses feito a tua inscriçom para a leitura física, põe-te em contacto com maos@maos.gal.
A Associaçom Galega da Língua (AGAL) lamentou as circunstâncias em que estám a ser realizadas as homenagens a Carvalho Calero, que praticamente na sua totalidade se estám a converter em eventos frustrados, de maneira “que nom fica mais remédio que voltar a organizá-los em 2021, quando esta crise acabar ou nos deixe de submeter a tantas incertezas”. O presidente da AGAL realizou estas declarações após a suspensom do ato e um dia depois de ter feito entrega ao Presidente da RAG de umha carta em que pede formalmente à instituiçom académica o prolongamento do Ano Carvalho a 2021.
