PGL – Informaçons a que tivo acesso este portal apontam a que nos vindouros dias a Junta da Galiza poderia anunciar a suspensom do Decreto do Plurilingüismo, mais conhecido com Decretaço, e pactuar um texto unitário num verdadeiro processo negociador.
As fontes consultadas assinalam o mal-estar do mesmíssimo Núñez Feijóo com a situaçom que se véu criando, especialmente um dos últimos episódios, a saída dos sindicatos da mesa sectorial do Ensino, que deixou muito danificada a imagem pública do Governo galego.
Precisamente, o presidente da Junta vem-se esforçando muito nos últimos tempos por ter umhas relaçons o mais cordiais possíveis com os sindicatos para os diferentes frentes que tem abertos, em especial o processo de diálogo social (em que participam apenas os sindicatos espanhóis CCOO e UGT) e o projecto de fusom das caixas galegas (apoiado pola organizaçom nacionalista CIG além dos referidos CCOO e UGT).
Desta maneira, e apesar de que havia vozes autorizadas que exigiam um endurecimento do Decretaço mais lesivo ainda para a normalizaçom da língua galega (chegando mesmo a reclamar que só se ministrassem matérias em galego por expressa petiçom de pais e maes e com o informe favorável da Inspecçom Educativa), parece já iminente a retirada do texto actual e a próxima convocatória de umha autêntica mesa negociadora com participaçom «dos agentes sociais e institucionais mais representativos», insistem as fontes consultadas.
NOTA: ‘O primeiro de Abril vam os burros onde nom têm que ir”. Esta notícia foi o nosso modesto contributo para o Dia da Mentira de 2010, festejo tradicional galego (e comum a outros países lusófonos) em cuja recuperaçom o PGL leva vários anos envolvido.
+ Anteriores notícias do Dia da Mentira no PGL:
- Feijóo criará a Direcçom Geral de Igualdade Cidadá, com Pousada como assessor [2009]
- RAG estuda possibilidade de se incorporar ao acordo lusófono após revolta no IKEA [2008]
- Possível fusom do PGL e o portal da Mesa [2007]
- PGL na corda bamba [2006]
- Junta da Galiza aposta polo bi-normativismo para o galego [2005]
- Isaac Alonso Estraviz entrará na RAG fruto de um acordo entre a AGAL e a Real Academia Galega [2004]
- Umha proposta alternativa ao Reintegracionismo? [2003]
Esta notícia é mentira, é o nosso contributo ao 1 de abril
«O primeiro de Abril vam os burros onde nom têm que ir»