PGL – O novo disco do Manecas e do Fran Pérez ‘Narf’ explora a boa ligaçom que alcançam ao vivo e o trabalho de todo um ano para que podamos escuitar as reflexons e berros de umha forma de ver os fenómenos culturais. Guitarras e vozes penetram no ouvido amossando distintas linhas musicais, mas semelhando um mesmo cantar.
Aló Irmao! é um projecto que botou andar há dous anos. O trabalho discográfico que agora chega às tendas de todo o país é resultado da ediçom dos concertos que oferecêrom 16 e 17 de Junho de 2010 no Teatro Principal de Santiago de Compostela. Além dos temas em formato sonoro, achega-se vídeo dos próprios concertos.
Neste projecto respira-se fusom, nom só da Galiza e a Guiné-Bissau. Galego-português, crioulo, machopi e inglês som as vozes que se deixam ouvir ao longo dos mais de 60 minutos da criaçom. Os sons de raiz africana com a incorporaçom de instrumentaçom própria deste continente, assim como o espírito de Narf, com um cheiro a aventura, farám chegar a força da sua perfeita uniom em formato discográfico.
Narf e Manecas Costa convidam a esquecer as fronteiras, reflexionar sobre a emigraçom, comprometer-se, gozar da vida, lembrar o passado e sonhar um futuro melhor para os povos. Em breve poderá adquirir-se “Aló irmao!” na loja virtual Imperdível.
+ Ligaçons relacionadas:
