Neste momento, a campanha obtivo perto de 2000€, ainda que o ótimo está ainda longe, em 7000€. A falta de menos de um mês para concluir o prazo para alcançar o financiamento que permitiria abrir as portas ao projeto educativo para o curso 2023-2024.
Para abrir a escola autogerida, o grupo promotor conseguiu a cessão das instalações da associaçom de vizinhos e vizinhas de Seixalvo. Porém, o espaço precisa reformas e umha dotaçom de equipamento básico para poder começar a funcionar como centro escolar para crianças de 2 a 6 anos.
A proposta da Semente Ourense, na linha das demais escolas Semente do país, fundamenta-se nos princípios da imersom linguística, coeducaçom, no relacionamento com a comunidade e a natureza, na laicidade e na criaçom dum modelo educativo alternativo baseado na centralidade da criança no processo de aprendizagem. Também, quanto à organizaçom, no assembleiarismo como forma de funcionamento, assim como na escolha do reintegracionismo como norma ortográfica e modo de entender o galego como língua internacional.
A impossibilidade de educar em galego nos centros públicos motivárom a criaçom dum grupo promotor para tentar erguer o primeiro projeto Semente na cidade das burgas. A necessidade de financiamento para as obras do local e de dar a conhecer a escola determinárom a ciraçom da campanha de angariaçom de fundos.
A impossibilidade de educar em galego nos centros públicos motivárom a criaçom dum grupo promotor para tentar erguer o primeiro projeto Semente na cidade das burgas. A necessidade de financiamento para as obras do local e de dar a conhecer a escola determinárom a ciraçom da campanha de angariaçom de fundos.
As necessidades de infraestrutura som:
Instalaçom dumha salamandra a pellets para o aquecimento -pois o local nom conta com aquecimento- , abrir janelas e mudar a porta para ganhar luz natural, assim como o melhoramento das paredes, com isolante acústico e renovaçom da pintura. Também é necessário adequar a casa de banho para adaptar ao uso das crianças e comprar algum mobiliário. Para todo isto, cujo montante ótimo ascende a 7000€, abrem a campanha através da plataforma goteo, na que já se pode participar. As mecenas podem contribuir desde 10€, e oferecem-se diferentes recompensas.
Recompensas
As recompensas, a partir de 10€, vam do agradecimento virtual, com a aportaçom mínima, até diferentes agasalhos que ultrapassam os 100€.
Por 20 € pode-se escolher entre as lâminas As aves que te rodean ou A túa fraga que oferecem María Docampo e Sustinea. O lote de umha caneta e dous livros: Tópicos sobre a lingua galega de Suso Fernández Acevedo e Para mellorarmos a calidade da nosa língua de Xosé Ramón Freixeiro Mato, aportaçom da Mesa pola Normalización Lingüística. Ou umha série de camisolas e bodis para bebês que oferece a loja OZOCOgz. Esta mesma loja aporta também um caderno Carvalho Calero.
Por 25€, há um lote Natureza do camiño, com um jogo de memória, um Mapa para Pintar dos Espazos Naturais, prenda de Aira Editorial e as livrarias Aira das Letras, Maruxairas e Punto e Coma. Ou um lote Semente para crianças que inclui mochilinha azul da Semente, o livrinho O Pamparampám!, a garrafa da Semente e o autocolante Eu amo Semente Ourense. E também por 25€ está disponível o livro Un xeito de vida sobre a cultura skinhead em Compostela, da fotógrafa Gabriela Prada.
Por 28€ há umha camisola e saco do coletivo Porque me Peta. E por 30€ pode-se conseguir umha camisola XL, duas canetas e os dous livros que oferece a Mesa, para além dos agradecimentos. Também por 30€ há um trilho polo Ourense do romance A Esmorga, de Blanco Amor, guiado pola atriz e professora Nate Pazos. E outro, na mesma cidade das Burgas, da professora e escritora Arancha Nogueira, focado nas escritoras da cidade.
Por 30€, e diversificando as proposta há também umha sessom de fisioterapia no Centro Physiovertex, na rua do Progreso, 149 da cidade. Ou dous menús para comer no espaço Mur Marxinal, na rua Manuel Murguia, nº11. No mesmo rango de preço, há opçom de conseguir umha série de lotes de agasalhos diversos da Aira Editorial e as livrarias Aira das Letras, Maruxairas e Punto e Coma: um altifalante de mandeira ou um lote de quebra-cabeças de 100 peças e umha lámina, ou umha cunca, umha ilustraçom e um caderno ou dous livros d´As Abraiantes Aventuras de Mariña: Carriandola e Bulleira.
Também por 30€ é possível conseguir o obradoiro de duas horas “Como contar contos a crianças”, desenvolvido pola pedagoga Sabela Gago.
Por 35 € há vários lotes de material da Aira Editorial e as livrarias Aira das Letras, Maruxairas e Punto e Coma. Ou umha subscriçom anual ao Novas da Galiza.
Por 40€ a cervejaria O Moucho (rua da Concordia, 17) oferece um cabaz de cervejas artesãs. E também há um lote de compra na loja infantil Mamalúa (Sam Domingo, 39 de Ourense). Ou o Lote Galicia Pequeniña ou o Lote Animais Míticos de novo da Editora Aira e as Livrarias Aira das Letras, Maruxairas e Punto e Coma.
Por 42€ há disponível o Jogo de mesa Ti non es de aquí? da loja do Carvalhinho OZOCOgz.
A partir de 50€ há um roteiro interpretado de Fauna e Flora pola contorna de Ourense, de 3h e feito por Sustinea. Ou vários lotes de produtos da Aira Editorial e as livrarias Aira das Letras, Maruxairas e Punto e Coma.
