AGAL (*) – O Conselho Nacional da Associaçom Galega da Língua (AGAL) quer parabenizar o novo presidente da Real Academia Galega, Xosé Luís Méndez Ferrín, de quem quer salientar o seu carácter de figura de reconhecido prestígio na cultura galega e o seu compromisso e activismo culturais em épocas tam difíceis como a ditadura franquista.
Precisamente hoje, segunda-feira dia 25 de janeiro, da associaçom querem parabenizar o autor da coluna impressa propositadamente denominada Segunda-feira, e desejar que Xosé Luís Méndez Ferrín continue com o trabalho de dinamizaçom da Academia que se tem iniciado nos últimos anos. Para a AGAL, nesta época tam complicada para a língua da Galiza, o novo presidente da RAG é a pessoa certa para dirigir o rumo da instituiçom.
O mundo lusófono é a grande vantagem competitiva da nossa língua. Para além de debates normativos, a cidadania galega tem a capacidade objectiva de acceder a ele. Das duas academias galegas, apenas a Academia Galega da Língua Portuguesa tem enveredado por essa rota. Por este motivo, a AGAL encoraja o novo presidente da outra academia a vencer inércias e recuperar o espírito fundacional da RAG.
Finalmente, a Associaçom Galega da Língua quer lembrar que depois do português José Saramago, o brilhante escritor ourensano pode ser o segundo prémio Nobel na nossa língua, objectivo para o qual sempre contou com o apoio e simpatia desta associaçom. Tal galardom seria o justo reconhecimento de umha prolífica carreira literária e da sua categoria como um dos melhores escritores lusófonos.
(*) Nota enviada aos meios de comunicaçom o dia 25 de janeiro
