PGL – Na próxima quinta-feira, dia 14 de julho, finaliza o prazo para inscriçom no curso de monitores de educaçom nos tempos livres, bem como no curso de formaçom específica para educadores e educadoras. As duas atividades organiza-as a associaçom Altair.
O curso de monitores é lecionado através da Escola de Tempos Livres Escolactiva e colaborado por Altair. Iniciará a 16 de julho e encerrará, em regime intensivo, a 4 de agosto. De 6 a 10 de agosto terá lugar o curso específico para educadores. As duas atividades decorrerám no Centro de Interpretación Rural ‘A Portela’, na freguesia compostelana de Figueiras. Todas as informaçons estám no website da associaçom.
Associaçom Altair
Altair é umha associaçom sócio-cultural de educaçom nos tempos livres focada para crianças e jovens de 8 a 18 anos, bem como de cooperaçom internaiconal para o desenvolvimento. É promovida por um grupo de cidadans e cidadás e apoiado apenas por pessoas e entidades colaboradoras. Atualmente Altair trabalha na formaçom de educadores e educadoras na Galiza e Cabo Verde, concretamente na cidade do Mindelho (ilha de São Vicente).
