PGL – Hoje, dia 25 de maio, celebra-se em Santiago de Compostela o V Dia do Orgulho Lusista e Reintegrata – XI Dia Internacional da Toalha. As pessoas defensoras da unidade lingüística galego-portuguesa estám convidadas a se concentrarem na Praça do Pam (Cervantes) a partir das 20 horas (hora galega, 21h na Espanha).
Trata-se da quinta ocasiom consecutiva em que se celebra o evento. Na ediçom de 2007 o ato finalizou com um discurso do escritor Carlos Quiroga. Em 2008, o padrinho foi o dramaturgo João Guisán Seixas. Já em 2009 houvo duo de padrinhos, com o multifacetado artista Quico Cadaval e a atriz Comba Campoy. Já no ano passado foi a cantora Ugia Pedreira, acompanhada da concertinista Olga Nogueira, quem exerceu de madrinha do evento. Este ano, 2011, o padrinho é o músico Carlos Valcárcel, membro de Projecto Mourente, quem realizará umha intervençom cujo conteúdo e género a organizaçom ainda nom desvendeu.
Instantáneo da ediçom de 2010
Acerca do que sim falou a rganizaçom deste evento lúdico é da importáncia de participar levando umha toalha. A toalha é o símbolo da festa por um duplo motivo. O primeiro, que muitas pessoas tomárom contacto com a variante portuguesa da nossa língua «indo mercar toalhas a Valença do Minho e outras localidades do norte de Portugal». O segundo, que foi um 25 de Maio quando faleceu Douglas Adams, autor d’O Guia do Mochileiro das Galáxias, no qual se mencionava a toalha como elemento imprescindível de todo aventureiro… motivo polo qual os seguidores de Adams criárom o Dia Internacional da Toalha, que na Galiza se une ao Dia do Orgulho Lusista e Reintegrata (DdoOLeR).
Cartaz do DdoOLeR de 2010
[prima aqui para alargar a imagem]
+ Ligaçons relacionadas:
- Ugia Pedreira ‘amadrinha’ a quarta ediçom do DdoOLeR [PGL, 25/05/2010]
- Vídeos da ediçom de 2010
- Web do IV Dia do Orgulho Lusista e Reintegrata [ediçom de 2010]
