PGL – Mais um ano, os centros sociais da Galiza realizárom diferentes atos por volta do do 25 de Abril, comemoraçom da Revolução dos Cravos. A maior parte das atividades fôrom o passado sábado, dia 23, embora a efeméride ainda continua presente em locais como A Esmorga.
A Revolução dos Cravos sempre estivo muito presente na Galiza, e de facto muitos galegos participárom nos diferentes protestos organizados pola oposiçom à ditadura já anos antes do fim do regime salazarista.
Ainda, o hino revolucionário, Grândola Vila Morena, soou pola vez primeira no nosso país. Foi numha atuaçom do Zeca Afonso em Santiago de Compostela a 10 de maio de 1972, dous anos antes de esta cançom ser escolhida como senha para despoletar o avanço das forças contrárias à ditadura.
De Artábria, em Ferrol, organizárom umha ceia de confraternizaçom. A ementa, com produtos típicos portugueses, foi o passo prévio para juntar ánimos e vozes para cantar com o Galeoke.
Em Lugo, o centro social Mádia Leva também organizou umha ceia para todo o pessoal que estivo interessado em participar, e a seguir o cantor luso Jorge Mirancos, que reside na Galiza, protagonizou um concerto.
Já em Vigo, o PCPG organizou um ‘Comício de Fraternidade Galego-Portuguesa’, no Local Social Faísca. Participárom Alípio Nunes, do PCP em Viana do Castelo, e Armando de Carvalho, deputado municipal da CDU em Valença do Minho. No remate houvo umha ceia de convívio.
Ocupar abril
O programa de atividades mais amplo foi da ourensana A Esmorga, mediante o ambicioso Ocupar Abril, que os levou para programarem diferentes atos de 15 a 19 de abril. Ainda, a semana que abora começa, de 25 a 30, será a Semana da Revolução dos Cravos no centro social.
AGLP
A Academia Galega da Língua Portuguesa organiza no 25 de Abril, em Santiago de Compostela, umha série de atividades, entre as quais o lançamento de umha antologia poética dedicada a Guerra da Cal, a apresentaçom do nº 7 da revista Nova Águia e a assinatura do protocolo de cooperaçom com o Observatório da Língua Portuguesa. As atividades terão lugar na Sala de Conferências da Fundación Caixa Galicia (Rua do Vilar, 19); a assistência é livre.
