PGL – De 3 a 4 de setembro acontece em Salvaterra do Minho a XXIV ediçom do Festival da Poesia. O evento visa cada ano unir festa e reivindicaçom, escolhendo sempre um lema que centre as inquedanças do colectivo. Nesta ocasiom é ‘Língua e serviços em mao comum’.
Este lema procura resumir os ataques à língua e no retrocesso dos serviços públicos umha preocupaçom general polo incremento contínuo das agressons contra todo o que suponha património popular, contra todo o público e galego. Desestruturaçom da sanidade pública, relegaçom do ensino público frente ao potenciamento do privado, gestom privada dos recursos naturais, falta de direitos lingüísticos, ausência de serviços de transporte colectivo, comunicaçons nas maos das empresas… som diferentes peças de um quebra-cabeças em que se ilustra “a acumulaçom de poder por sectores cada vez mais reduzidos e a infámia da homogeneizaçom cultural”.
Escolhe-se a língua polo contexto em que se encontra (perda de falantes, diminuiçom de espaços para o seu uso, aumento de prejuízos lingüísticos e difusom interessada dos mesmos, discriminaçom em todos os níveis do ensino), mas também para dar resposta à penúltima ideia desenvolvida polos sectores mais recalcitrantes do espanholismo: a falácia da imposiçom.
A reivindicaçom duns serviços públicos, universais, gratuitos e de qualidade centram a outra parte da legenda. Ensino, saúde, transportes, água, luz, gás… vam-se ou fôrom-se desmantelando e deixando nas maos das empresas, a diferentes ritmos, mas com o mesmo objectivo: que o povo tenha que pagar polo que é do povo. Todos estes aspectos vam estar presentes durante o Festival da Poesia; em forma de debates, de intervençons públicas, nos poemas, nas cançons.
Sociedade Cultural e Desportiva do Condado
A Sociedade Cultural e Desportiva (SCD) do Condado é umha organizaçom aberta e plural que trabalha pola difusom da cultura galega de umha perspectiva de compromisso com o País e com o seu desenvolvimento sociocultural.
Está apoiada por mais de 150 sócias e sócios e nela participam sectores nacionalistas, independentistas, pessoas de esquerda e activistas de todo o tipo, que compartem a vontade de trabalhar pola animaçom cultural da comarca. Com sede em Salvaterra do Minho, tem como ámbito de actuaçom o Condado, ainda que centra o grosso das actividades no concelho raiano. Independente de instituiçons e nascida em Novembro de 1973, tem realizado numerosas actividades ao longo da sua história. Desde 1981 organiza o Festival da Poesia, o encontro poético-musical e cultural de maior envergadura na Galiza.
PROGRAMA
Sexta-feira, 3 de Setembro
- 19:30. Covas de Dona Urraca/Casa do Conde
- Apertura de exposiçons
- Pintura: monográfico do Zeca Afonso, monográfico do Che Guevara
- 20:30. Covas de Dona Urraca
- Projecçom de audiovisuais
- 22:30. Covas de Dona Urraca
- Noite nas Minas: Sonhos
- A partir das 23:30 Caldo Verde e festa rachada com Charanga
Sábado, 4 de Setembro
- 11:30. Passa-ruas
- Gaiteiros, murga e viagens no comboio de baixa velocidade
- 12:30. Zona das muralhas
- Campeonato de Bilharda
- Feira Popular: colectivos e artesanato
- 13:00. Casa do Conde
- Palestra com colectivos sociais
- 17:00. Zona das muralhas
- Festa infantil
- 19:00. Covas de Dona Urraca
- Curtas premiadas no Festival de Cans
- 20:30. Zona das Muralhas
- Festival poético-musical
- Apresenta: Berrobambán
- Poetas: Alicia Fernández, Branca Novoneyra, Carlos Quiroga, Carlos Negro, Calros Solla, David Rodríguez, Elvira Riveiro, Kiko Neves, Laura Branco, Samuel L. París, Samuel Solleiro, Tiago Gomes
- Grupos: De outra Margem, Uxía, Labregos do Tempo dos Sputniks, Os Tres Trebóns, Agro-Vungo
+ Ligaçons relacionadas:
- XXIII Festival da Poesia: a construir a necessária alternativa [PGL, 04/09/2009]
- Esta semana começa a XXII ediçom do Festival de Poesia do Condado [PGL, 01/09/2008]
- Informaçom sobre o festival no web da SCD Condado
- Falta umha semana para o XXI Festival de Poesia do Condado voltado para a luita antifascista [Velho PGL, 23/08/2007]
- Mondariz acolhe apresentaçom da XX ediçom do Festival da Poesia no Condado [Velho PGL, 24/08/2006]
