O documentário Vieiros de Esperanza foi filmado em 2014, dirigido polo ferrolám Antón Rodríguez e com a colaboraçom técnica de Javier Gómez e Sergio Arango, foi o seu Trabalho de fim de Grau e recebeu o Prémio ao Melhor TFG em galego da Universidade da Corunha. Estreou-se em Ferrol no ano 2016.
Percorre a trajetória vital e profissional do literato ferrolán dom Ricardo Carvalho Calero a modo de conversa entre alunas, alunos e amizades do professor, ademais da opiniom institucional da RAG ou da Editorial Galaxia.
Da sua infancia em Ferrol até a reforma em Compostela, procura comprender porquê demorou tanto em dedicar-se-lhe o Dia das Letras Galegas. Participam no documentário: José Martinho Montero Santalha, Xosé María Dobarro, Francisco Rodríguez, Mª Pilar García Negro, Araceli Herrero, Asunción Fernández, Maurício Lopes, Siro López, Darío Villanueva, Víctor Freixanes e Xesús Alonso Montero.
O documentário fai-se agora público em aberto, através do Youtube, Vieiros de Esperanza, para render homenagem a umha das figuras mais representativas da cultura galega do último século.
