PGL – Um centenar de músicos de todas as idades e estilos, integrados em diversas formaçons artísticas, participarom de jeito destacado na missa multicultural celebrada às 12 da manhá do dia 19 de Março de 2009 na igreja paroquial de Burela. A celebraçom estava emarcada no programa de divulgaçom do Modelo Burela de Planificaçom Lingüística.
O sacerdote da localidade, Ramón Marful, oficiou umha homilia que dedicou ao Modelo Burela (que está sendo aplicado com apoio unánime das forças políticas do Concelho) qualificando-o como exemplo de “harmonia entre culturas”.
Às 11:45 da manhá, os vizinhos e vizinhas da vila vírom-se surpreendidos pola “recepçom” com a que eran presenteados. No próprio adro paroquial, saudava a sua chegada a Banda de Gaiteiros da Asociación Cultural Ledicia, que interpretou meia dúzia de peças. Seguidamente o Grupo de Cámara dirigido polo professor Bruno Pedre tomou a alternativa, já no interior do templo, interpretando peças clássicas instrumentais, enquanto os fieis ocupavam os seus respectivos assentos. Trás as palavras de boas-vindas, pronunciadas polo sacerdote, a Coral Polifónica de Burela foi alternando o canto da missa junto com o coro paroquial, dirigido polo professor Jesus Arranz González.
Durante a consagraçom, a Banda de Percusión Dambara (dirigida polo professor Albano González Cáncio) fijo ressoar o templo com as notas da Marcha do Antigo Reino da Galiza. Mais tarde, o músico local Antón Crego (un dos clássicos da Quenlla, com Míni e Mero) cantou o Nosso Pai, acompanhando a voz com notas de guitarra. Antes da despedida (também no adro) protagonizada de novo por Dambara, chegou um momento aguardado com especial agarimo: as doze mulheres afro-galegas de Batuko Tabanka interpretarom ao estilo coral (sem o seu tradicional batuko) umha peça dedicada a Jesus, cuja letra diz:
Ó Jesus, que estás sempre ao meu lado,
no meu peito acendei a Vossa luz;
livrai-nos de todos os pecados,
ajudai-me a levar a minha cruz.Vamos todos com santa alegria
receber a Jesus com amor;
quanto mais adoremos a Jesus,
mais é digno do nosso amor.
+ Notícias relacionadas:
- Primeiros resultados do modelo integrador. PGL, 26 de Fevereiro de 2009.
- Modelo Burela. Documental. AVG – Conselho da Cultura Galega. [Vídeo do documentário na íntegra | 1 h 06 min]
- Burela, por exemplo. Culturagalega.org, 23 de Fevereiro de 2009.
- Modelo Aditivo de Política Linguistica, O antidoto contra o integrismo dogmático. PGL, 23 de Fevereiro de 2009.
- A vantaxe da madureza. Galicia Hoxe, 19 de Fevereiro de 2009.
- Matías Nicieza: «O melhor do documental de Burela é o valor humano». La Voz de Galicia, 04 de Fevereiro de 2009.
- Cristina Loureiro: «Levar o proxecto do galego no Perdouro foi como chegar e bicar o santo». La Voz de Galicia, 16 de Dezembro de 2008.
- Guárdia Civil e o «Modelo Burela». PGL, 28 de Novembro de 2008.
- Bernardo Penabade: ”O Modelo Burela poderia aplicar-se em todo o País’‘. Velho PGL, 21 de Junho de 2008.
- Burela aprova por unanimidade um modelo de planificaçom lingüística pioneiro na Galiza. Velho PGL, 02 de Maio de 2008.
- O Concello de Burela aproba por unanimidade un proxecto de planificación lingüística municipal. Reverso, 25 de Abril de 2008.
