PERANTE O CENTRALISMO LEGISLATIVO DA LOMLOE

Semente e Ikastolen Elkartea vindicam a necessidade de leis educativas próprias



semente

semente

Ontem, sábado, 6 de março, às 12h no Museo do Povo Galego em Compostela, decorreu a rolda de imprensa convocada organizada por Semente e Ikastolen Elkartea. Neste evento foi apresentado, conjuntamente, um relatório valorativo do atual quadro legal estatal educativo: a LOMLOE (Lei Orgânica que modifica a LOE). Para além das intervençons dos dous representantes da Semente e Ikastolen Elkartea, houvo umha atuaçom musical da professora e guitarrista Isabel Rei Sanmartim.

Alguns dos pontos destacados da análise forom:

-A LOMLOE emenda e melhora a LOMCE, resultando insuficiente para a construçom dos nossos sistemas educativos dumha perspectiva humanística, laica, científica edemocrática.

-Necessitam-se respostas construtivas, coeducadoras, inclusivas e eficazes, baseadas em quadros educativos normativos específicos, cujos eixos estejam refletidos em leis próprias.

-O novo quadro legal estatal é continuista em relaçom ao âmbito competencial, possuindo um caracter eminentemente centralista, ao conservar o Estado Espanhol os elementos mais importantes para configurar os Sistemas Educativos Galego e Basco.

-Perdeu-se a oportunidade de aprofundar na democratizaçom da educaçom, promovendo a colaboraçom entre sociedade e Administraçom, levando em conta o modelo comunitário e sem fins lucrativos que as nossas entidades representam em ambas naçons.

-A respeito das línguas basca e galega é bem-vinda a Disposiçom Adicional trigésima oitava. Com este preceito, os governos autonómicos poderám adotar as medidas necessárias para que o alunado atinja as plenas competências comunicativas em ambos os idiomas, permitindo aprofundar no modelo de imersom linguística que Semente e as Ikastolas implementam.

museu-do-povo-galego_salom-de-actos-A Semente fai um chamado ao Governo Galego para que acabe com as políticas galegófobas no ensino, levante a proibiçom do nosso idioma no âmbito científico-técnico e siga asrecomendaçons do Conselho da Europa e da comunidade científica internacional no sentidode implementar um modelo de imersom linguística no Sistema Educativo Galego.

-Consideramos positivamente a declaraçom que subscrevêrom, no 10 de Fevereiro, o Institutd’Estudis Catalans (IEC), a Real Academia Galega (RAG) e o Euskaltzaindia, na qual se realça anecessidade dumha presença reforçada das três línguas nos respetivos sistemas educativos.

-Nom se satisfám as demandas em direçom a um horizonte dumha escola laica, como princípioorientador para a construçom dum Sistema Educativo baseado no conhecimento científico ena liberdade de consciência.

-Valoriza-se positivamente a eliminaçom dos concertos aos centros que segregam por género,inercia oitocentista que atenta contra o princípio da coeducaçom e da igualdade.

O PROJETO EDUCATIVO SEMENTE

É umha iniciativa social autogerida e sem fins lucrativos que visa a construçom da Escola Nacional Galega, em parceria com outros empreendimentos que caminhem para um novo modelo educativo emancipador, democrático eautocentrado na realidade cultural, sócio-histórica, política e económica galega.

A SEMENTE EM DADOS

Número de centros
• Centro em Lugo (infantil).
• Centro em Trasancos(infantil e primário).
• Centro na Corunha (infantil).
•3 Centros de Santiago(infantil e primário).
•Centro de Vigo de infantil.

Número de crianças
• 140 discentes.

Número de educadoras
• 13 educadoras.

Número de sócias/os
• 500 sócias aprox. entre as estruturas comarcais e nacional.

IKASTOLEN ELKARTEA EM DADOS

Número de centros: 111 Ikastolas.

Famílias e crianças: 57.322 pessoas.

Número de educadoras: 4.500 docentes.

Número de funcionárias/os: 500 trabalhadoras nom docentes.

ALIANÇA ENTRE SEMENTE E IKASTOLEN ELKARTEA

Associaçom Cooperativa Europeia Ikastolak de Euskal Herria é umha associaçom de Ikastolas com atividade na Comunidade Autónoma Basca, Nafarroa e Iparralde. Desenvolve umha pedagogia avançada, com um currículo basco e a inovaçom permantente na apredizagem das línguas e das TICs.

Em 2018, o Projeto Educativo Semente e Ikastolen Elkartea estabelecem umha aliança de cooperaçom, reconhecendo-se ambos como movimentos de educaçom popular, de imersom linguística, sem fins lucrativos, autogeridos, laicos, criados por iniciativa popular e promotores dumha educaçom nacional galega e basca. No âmbito deste acordo, inscreve-se a valorizaçom conjunta da LOMLOE, já queum dos princípios da aliança é “analisar e impulsionar a coordenaçom depolíticas perante os projetos legislativos do Estado Espanhol que limitam acriaçom do sistema educativo próprio nas respetivas naçons”.

aproximacom-a-lomloe-analise-da-semente-e-ikastolen-elkartea_galego


PUBLICIDADE