Partilhar

Reclamaçom do BNG sobre os direitos lingüísticos de galegas e galegos nos restaurantes e cafetarias

PGL – Bieito Lobeira e Maria do Carme Adán, deputado e deputada do Grupo Parlamentar do BNG apresentárom à Junta umha pergunta para a sua resposta oral relativa às medidas que se adoptaram para garantir os direitos lingüísticos de galegas e galegos nos restaurantes e cafetarias do nosso País.

Segundo informam do BNG, o Decreto 8/2007, do 10 de Janeiro, que modifica o Decreto 8/2006 do 15 de Junho, estabelece a ordenaçom turística dos restaurantes e cafetarias da Galiza. Esta normativa, atendendo o carácter oficial do galego, inclui a incorporaçom da nossa língua nas ementas e menus dos restaurantes, o qual, como consequência dumha inércia histórica que proscrevia e proscreve o galego nas relaçons oficiais e pola falta de vontade da administraçom no seguimento de compromisso desta base normativo, nom se está a cumprir acarretando a significativa perda de direitos dos galego-falantes.

A Secretaria Geral de Política Lingüística, em resposta ao BNG por este motivo, deu conta do lançamento de umha página web neste departamento e estuda a possibilidade de oferecer cursos de galego dirigidos ao sector. Porém, o BNG denúncia a inexistência de  medidas destinadas especificamente a fazer cumprir a norma.

Atendendo a isto, Bieito Lobeira e Maria do Carme Adán formulam as seguintes perguntas para a sua resposta oral em Comissom:

 

1 . Que medidas serám adoptadas para dar cumprimento ao estabelecido no Decreto 8/2007 no referente à incorporaçom da língua galega nos restaurantes e cafetarias existentes no nosso País?

2 . É consciente o Governo galego de que o nosso idioma está ausente de boa parte das ementas e menus dos restaurantes no nosso próprio País?

3 . Nom acha que neste âmbito se está a produzir umha evidente discriminaçom com a língua própria da Galiza?

Lançamento de Tourists, go home? na Corunha

Efigénio Moura apresenta o romance Burela numa tournée por oito localidades galegas

Efigênio Moura: “É possível amar um lugar que nos aperta”

Efigênio Moura: “O galego é como se tivesse encontrado um parente que ninguém da família tinha me apresentado”

Ângelo Brea: “O amor pela família, o cuidado dos filhos ou as exigências de uma vida com grandes responsabilidades atravessam os milénios”

Burela, romance do escritor brasileiro Efigénio Moura, disponível em pré-venda na loja online da Através Editora

Lançamento de Tourists, go home? na Corunha

Efigénio Moura apresenta o romance Burela numa tournée por oito localidades galegas

Efigênio Moura: “É possível amar um lugar que nos aperta”

Efigênio Moura: “O galego é como se tivesse encontrado um parente que ninguém da família tinha me apresentado”