Por José Ramom Pichel Campos
Recentemente numa entrevista do 24 de Xaneiro no Xornal de Galicia ao grande Isaac Díaz Pardo, que sorte chegar a contemporaneizar com ele e com tantos outros, Woody Allen por exemplo, ou Tom Zê, quando lhe perguntarom: Cren que se fai política contra o galego e que se estraga o que se conquistou nos últimos trinta anos?, ele respondeu o de “A Real Academia vai polo seu camiño e non o cambia. A lingua manteríase hoxe mellor se se pechasen as portas de Castela e se abrisen as de Portugal…” e continua “…se se tivesen aberto as portas de Portugal, non necesariamente para cambiar absolutamente o galego, porque tamén hai diferenzas lingüísticas entre Brasil e Portugal, pero de termos estado aí coas portas pechadas de Castela, indubidabelmente o galego estaría hoxe mellor. Pero fallarlle disto á Academia…nada de nada. Eles cren que teñen o saber absoluto e que como son doutores, non poden fallar”.
Isaac Díaz Pardo respondeu à pergunta desde a sua semântica, desde sua conceição do mundo que para sua geração era pensamento continuo. A língua tem de voltar à sua máquina de comboio, e deixar de ser um vagão doutra magnífica e rica língua, mas simplesmente outra.
Isto de perguntar e responder ao que se pergunta é um dos grandes desafios aos que se enfrenta o domínio da recuperação da informação. Que a esta altura ainda continuemos a perguntar aos engenhos estilo Google ou Yahoo por palavras-chave é quase atraso. A question answering pretende que haja sistemas aos que os humanos perguntemos na nossa linguagem cheia de ambiguidades e por tanto com a sua complexidade e o sistema poda perceber que estamos a perguntar e responda às nossas perguntas.
Um destes sistemas é por exemplo o sistema português Raposa http://pattie.fe.up.pt/raposa/, palavra tão incompreensível para os galegos como minhoca, que pretende encontrar uma resposta para cada uma das perguntas que lhe fazemos, usando as páginas da wikipedia. Raposa é um sistema desenvolvido na Universidade do Porto e responde a perguntas como: Qual é a altura da Torre de Pisa? Quem foi o último rei de Bulgária? ou Quem foi o primeiro rei de Portugal?
Inocente, perguntei-lhe a Raposa: Onde está Galiza? E depois de o sistema processar toda a minha dúvida, de procurar na wikipedia e elaborar uma resposta coerente, após tudo isso, respondeu com uma inocência cibernética, Galiza está em Castela.
O génio da question answering de Sargadelos sabe por onde é que vai a solução desta lea chamada galego.
(*) Artigo publicado na coluna Medo aos aviões, do jornal Galicia Hoxe.
