Partilhar

Projecto para dar em andamento a Casa-Museu Manuel Maria

PGL – A morada de Manuel Maria, o poeta da Chaira, continua a engadir fases para se converter num espaço cultural e de homenagem de referência para a Galiza. Já se dam todas as condiçons para para converter a casa onde nasceu na Casa-Museu Manuel María.

A Fundaçom Manuel Maria de Estudos Galegos acordou com os familiares que moravam a casa natal do poeta de Outeiro de Rei a venda do prédio. Em troca de o cederem, construirá-se umha nova vivenda para José, irmao do poeta, e a sua mulher.

Umha vez realizados os trámites necessários, todo estará pronto para a criaçom da Casa-Museu. As previsons som poder abri-la no prazo de ano e meio. O projecto consistirá na reabilitaçom e dotaçom de colecçons e obras de grande valor documental.

Por exemplo, segundo os planos de Xan Casabella e Xosé Díaz Vieites, o museu acolherá umha biblioteca que contém a melhor colecçom particular de livro galego ou sobre a Galiza desde a posguerra até a actualidade, a qual constitui umha fonte de consulta indispensável para investigadores.

Também a pintura vai ter um lugar de excepçom, graças a umha importante colecçom com obras de vários dos mais importantes criadores do séc. XX. A proposta completa-se com os documentos existentes das relaçons de Manuel María com Otero Pedrayo, Celso Emilio Ferreiro, Ramón Piñeiro, etc.

Deputaçons sim, Junta nom

O projecto de reabilitaçom da casa de Manuel Maria foi apresentado em Lugo com o apoio da Área de Cultura da Deputaçom luguesa. Como assegura a viúva do poeta Saleta Goy, «o que primeiro recebemos foi o apoio da vice-presidência da Deputaçom de Lugo, e nom só o económico, senom outro mais gratificante ainda, o convencimento de que é um projecto necessário».

As Deputaçons de Ourense e da Corunha também dam apoio a este labor. Pola contra, a Junta da Galiza está a levar umha política de silêncio a respeito do projecto, umha atitude similar à da deputaçom ponte-vedresa. Para Saleta Goy a da Junta nom é a correcta «porque todo o que tenha a ver com o engrandecimento do país, com seu desenvolvimento cultural, devera ser apoiado polo Governo, entendo eu». Goy pede por isto «responsabilidade, a mesma que demonstrou Manuel Maria com o País».

 

+ Ligaçons relacionadas:

Lançamento de Tourists, go home? na Corunha

Efigénio Moura apresenta o romance Burela numa tournée por oito localidades galegas

Efigênio Moura: “É possível amar um lugar que nos aperta”

Efigênio Moura: “O galego é como se tivesse encontrado um parente que ninguém da família tinha me apresentado”

Ângelo Brea: “O amor pela família, o cuidado dos filhos ou as exigências de uma vida com grandes responsabilidades atravessam os milénios”

Burela, romance do escritor brasileiro Efigénio Moura, disponível em pré-venda na loja online da Através Editora

Lançamento de Tourists, go home? na Corunha

Efigénio Moura apresenta o romance Burela numa tournée por oito localidades galegas

Efigênio Moura: “É possível amar um lugar que nos aperta”

Efigênio Moura: “O galego é como se tivesse encontrado um parente que ninguém da família tinha me apresentado”