Este sábado, 8 de fevereiro, a partir das 19:30 horas, o centro social Xebra de Burela contará com a presença de Celeste Fortes, umha das diretoras de ‘Bidon: Nação Ilhéu’.
A cineasta, doutora em Antropologia Social e vicepresidenta da faculdade de Ciencias Sociais da Universidade de Cabo Verde, apresentará o filme. Este explora a importáncia dos Bidons, enviados polas pessoas emigrantes às suas famílias, na sociedade e economía caboverdianas.
A través de três histórias femininas, Fortes mostra a experiência de mães que tenhem de marchar aos Estados Unidos e filhas que crescem no arquipélago, longe do afecto materno. Os bidons que chegam, a diferentes ritmos e de diversas capacidades, som um símbolo dumha separaçom e um retrato dos bairros periféricos e do sonho cabo-verdiano da “terra de longe”.
A entrada é de graça até completar a lotaçom.
