PGL – O portal web de referência da música electrónica galega edita umha revista em formato físico com o intuito de chegar a novos leitores. O primeiro número tem como protagonista da capa a disco-jóquei ourensana Cora Novoa.
Desde há mais de um ano Galizaelectronica.com informa na rede da actualidade da música electrónica do país. Agora, com umha ediçom em papel tentará ampliar o número de visitas do portal e fomentar o gosto pola música electrónica.
A primeira ediçom, que consta de 1.000 exemplares, será distribuída em universidades, festas e locais de todo o país, mas também em localidades vizinhas do norte de Portugal, como Monção, Valença do Minho ou Melgaço.
Cora Novoa
Contando apenas os 24 anos, Cora Novoa, que na actualidade reside e trabalha em Berlim e que acaba de publicar seu primeiro trabalho Unattainable Love, foi a escolhida para ocupar o lugar de destaque no primeiro número da publicaçom. Neste número inicial também se incluem as entrevista ao duo de disco-jóqueis e produtores vigueses Subsótano, e a Steff Ungerer, director do colectivo New Opera Hero, de Londres, que amalgama espectáculo audiovisual e música electrónica. As 16 páginas do número completam-se com umha reportagem sobre o Sónar, noticias breves e revisons discográficas.
+ Ligaçons relacionadas:
