PGL – Os grupos da cámara UPN, PSN, e PP rejeitárom umha iniciativa da I-E (Izquierda-Ezquerra) para modificar a Ley Foral del Vascuence (Euskararen Foru Legea em basco) de sorte que, além doutros aspectos, fosse possível estudar em euskara nos centros públicos nos territórios de fala nom bascófona.
Dita proposiçom de lei procurava modificar a lei do basco para atender a demanda social que existe em essa zona, do mesmo jeito que já se desenvolveu na zona mista. Além do promotor da iniciativa, Na-Bai e Bildu votárom também a favor.
Txema Mauleón, parlamentar da I-E, explicou que se tentava “garantir a igualdade, liberdade de escolha e os mesmos direitos para todas as pessoas de todo o território Navarro”. Deu a conhecer também um relatório em que um 66,5% da populaçom se mostra conforme com a possibilidade de estender o estudo do euskara a todo o território, mesmo um 28% das pessoas que moram na zona nom vascófona levariam seus filhos a estudar em euskara. Existe, concluiu, “umha demanda social mais que evidente” que tem de ser atendida, polo que pediu um compromisso do governo navarro.
Nekane Pérez, de Na-Bai, defendeu umha lei que proteja, promova e apoie o euskara, enquanto Bakartxu Ruiz, representante da formaçom Bildu, aludiu à vulneraçom de direitos lingüísticos que envolve a zonificaçom lingüística e a “crueldade” que implica “têr direitos em funçom da zona em que se mora”. Acrescentou, assim mesmo, a necessidade de dar pulo aos passos em favor do euskara, ainda que forem parciais e pequenos.
Os opositores à iniciativa assinalárom, em geral, que já se pode estudar euskara em todo o território. Carmen González, representante de UPN, alegou que a “Ley del Vascuence” reflete “a pluralidade desta terra” e que “as famílias que queiram escolarizar no modelo D o podem fazer” em várias ikastolas, e apelou ao gasto que poderia implicar a iniciativa; o socialista Pedro Rascón alegou que a proposta é irrelevante e “nom acrescenta realmente nada”, enquanto a popular Amaya Zarranz considerou um “erro tratar de impor o euskara a pessoas que nom querem falá-lo” e afirmou que “o aumento de demanda social nom existe na zona nom bascófona”.
A Lei Foral de 1986 dividiu Navarra em três zonas lingüísticas: na zona bascófona o euskara é língua oficial; na zona mista, nom é oficial, mas se prevêem alguns usos oficiais na administraçom pública como na educaçom; na zona nom bascófona o euskara quase nom tem usos oficiais e na educaçom pública nom se oferta o modelo D (educaçom em euskara com a matéria de castelhano).
+ Ligaçons relacionadas:
- El Parlamento navarro rechaza equiparar la zona no vascófona a la mixta en el uso del euskara (Gara)
- O Parlamento navarro recusa-se a equipar a zona não bascófona à mista na utilização do euskara (Resumo no blogue de ASEH: Associação de Solidariedade com Euskal Herria)
- El pleno rechaza considerar la propuesta de I-E para ampliar la educación en euskera (Noticias de Navarra)
- Governo navarro retira placas de ruas em basco [PGL, 25/01/2010]
- Os mídia em língua basca de Navarra quedarám sem ajudas do Governo foral em 2010 [PGL, 30/12/2009]
- Dias contados em Navarra para as estações de rádio bascas [PGL, 19/06/2009]
- Modelos Lingüísticos (Website do Governo de Navarra)
- Zonas Lingüísticas (Instituto de Estatística de Navarra)
- Estudio sociolingüístico sobre el vascuence en Navarra, 2003PDF (Governo de Navarra)
- IV Encuesta Sociolingüística – 2008PDF (Governo basco)
