PGL – O Governo foral investirá no 2010 cero euros para promover a língua basca nos médios de comunicaçom navarros, o que significa que por vez primeira, em 23 anos, quedarám sem subvençom. Os mídia exigem ao Governo foral que cumpra com a petiçom parlamentária aprovada no passado mês de fevereiro.
Esta decisom, segundo denunciárom da Federaçom de associaçons em basco Topagunea, supom um “insulto” ademais de que os prejudica e os deixa numha situaçom crítica, provocando danos directos e indirectos.
Por todo o referido, os mídia em língua basca exigem ao Governo foral que cumpra com a petiçom parlamentária aprovada no passado mês de fevereiro na que se instava ao Executivo a desenvolver um convénio para estabilizar a sua situaçom e pedem ao Parlamento que participe «para resolver a situaçom na que o Executivo nos colocou».
Depois de um ano negociando para incrementar a partida orçamentária aprovada a finais do ano 2008 para o presente ano e fixada num 96% menos, os mídia em língua basca conseguírom que o anterior concelheiro para a Educaçom, Carlos Pérez-Nievas, e o director de Euskarabidea, Xabier Azanza, compremetéram-se a engadir 240.000 euros mais. Porém, finalmente o Governo foral decidiu, por primeira vez em 23 anos, deixá-los sem subvençom. Orçamento cero.
