PGL Países Catalães – A próxima sexta-feira, 19 de Dezembro, às 19h30, realizará-se na sala Verdaguer do Ateneu Barcelonès (Carrer Canuda 6, Barcelona), umha leitura dramatizada da peça Canibalismo a cargo da agrupaçom teatral Furafollas. O evento contará com a presença do autor, o galego Marcos Abalde Covelo.
Canibalismo foi escrita por este jovem escritor galego e acaba de ganhar neste ano o XI Prêmio Josep Robrenyo de Teatro, convocado pola Associació d’Investigació i Experimentació Teatral para obras escritas em espanhol, catalão, galego ou basco. O júri destacou «a carnalidade da linguagem e a riqueza metafórica», em palavras do jurado Serrat Crespo.
Canibalismo é umha obra de grande complexidade e crueza, escrita em galego-português (normativa AGAL), que reflexiona de maneira crítica sobre as relações humanas em Ocidente e como estas se assentam em situações de domínio e exclusom.
A assistência à leitura é gratuita e a lotaçom limitada.
