PGL – «Un año más me satisface comprobar que el Rally Sur do Condado-Gedas se vuelve a celebrar como prueba puntuable…». Assim começa a saudaçom de José Ramón Lete Lasa numha das competiçons mais importantes do motor galego, informa Galicia Confidencial.
A escudaria Surco organizou o VII Rally Sul do Condado no passado mês de Julho. Numerosos concelhos da bisbarra, a Deputaçom de Ponte Vedra e a Secretaria Geral para os Desportos da Junta fôrom alguns dos patrocinadores públicos.
Como é habitual quando umha administraçom subsidia um evento, a organizaçom incluiu saudaçons dos mandatários nos programas oficiais. Neste caso, a Secretaria Geral remeteu a sua mensagem em espanhol, apesar de todos os poderes públicos galegos terem a obriga de promocionar o uso do idioma próprio em âmbitos em que estivo marginado, como as competiçons desportivas.
Que José Ramón Lete Lasa violara o espírito da Lei de Normaliçom tampouco parece ser, em princípio, responsabilidade da escudaria, que mantém a sua página web em galego, assinala Galicia Confidencial. O presidente da Deputaçom, Rafael Louzán, um dos políticos que mais apoiou o colectivo contrário à normalizaçom do galego Galicia Bilingüe, sim remeteu, porém, a sua saudaçom no idioma do País.
+ Ligaçons relacionadas:
- O responsábel de Deporte da Xunta opta só polo castelán [Galicia Confidencial, 22/09/2010]
- Nove documentos parlamentares do BNG denunciam a exclusom do galego [PGL, 29/04/2010]
