PGL – A Conselharia da Presidência, Administraçom Pública e Justiça é o departamento do Governo galego que mais vulnera a Lei de Normalizaçom Linguística, segundo A Mesa gola Normalización Linguística. O titular desse departamento, o socialista Méndez Romeu, é criticado duramente pola entidade normalizadora.
Entre as muitas queixas tramitadas a respeito da Conselharia comandada por Méndez Romeu, salientam a exclusom do galego nos programas informáticos da Administraçom de Justiça, a falta de traduçom para galego de legislaçom básica, a carência de pessoal técnico para ajudar no processo de normalizaçom linguística, bem como a ausência do galego nalguns serviços telefónicos da Junta.
Da Mesa lembram «a péssima atitude de Méndez Romeu para com o uso do galego», acusam-no de ser umha pessoa que se nega «incivicamente a aplicar o Plano de Normalizaçom», além de «proteger situaçons condenadas polos tribunais de justiça, insultar movimentos sociais que trabalham em defesa da cultura galega e propor a oficializaçom de topónimos castelhanizados».
+ Mais informaçom:
- A Mesa insta o conselleiro de Presidencia a que cumpra a lexislación lingüística. A Mesa, 28 de Outubro de 2008.
