Durante este mês, as atividades chegaram a perto de 900 moços e moças de estadia em 13 instalaçons juvenis dependentes de Política Social.
Os acampamentos de verao da Xunta vam acolher, uma vez mais, o programa de dinamizaçom linguística O galego campa!, depois da pausa do ano passado, com novas propostas com as quais a Secretaria-Geral da Política Linguística e a Direçom-Geral de Juventude, Participaçom e Voluntariado procuram incidir na expressom pessoal e na educaçom emocional da mocidade. As atividades chegarám a um total de 872 jovens, entre utentes e monitorado, alojados em 13 intalaçons juvenis dependentes da Conselharia de Política Social.
O anúncio foi feito na semana passada no Acampamento Juvenil Espinheira polo secretário geral de Política Linguística, Valentín García, e pola Diretora Geral da Juventude, Participaçom e Voluntariado, Cristina Pichel. “Apresentamos a nona ediçom do programa, que este ano é sensível à complicada situaçom emocional que as restriçons de mobilidade, relacionamento e proximidade social derivadas da atual situaçom de saúde gerárom entre a mocidade”, explicou o representante da Conselharia de Cultura, Educaçom e Universidade.
Polo seu lado, Cristina Pichel pujo em valor a importância que tenhem este tipo de atividades, com as que se busca fomentar o ócio saudável e seguro da mocidade durante a temporada estival, assim como favorecer o uso do galego no âmbito do lazer.
O galego campa!, é um programa destinado a favorecer o uso do galego nos acampamentos de verao do Governo galego e mais a facilitar-lhe ao monitorado formaçom e recursos para o desenvolvimento de dinâmicas que animem os rapazes e raparigas a se expressar nesta língua, de acordo com as linhas de trabalho que se estabelecem no Plano de Dinamizaçom da Língua Galega na Mocidade 2019-2022.
O galego campa!, é um programa destinado a favorecer o uso do galego nos acampamentos de verao do Governo galego e mais a facilitar-lhe ao monitorado formaçom e recursos para o desenvolvimento de dinâmicas que animem os rapazes e raparigas a se expressar nesta língua.
As atividades, que incluirám a dinâmica Quanto te quero: conversas em grupo para falar de amor, chegarám até 14 de agosto aos acampamentos juvenis Virgem de Loreto (Porto do Som, A Corunha), Espinheira (Boiro, A Corunha), Furelos (Melide, A Corunha), Ilha de Ons (Bueu, Ponte Vedra), Area (Viveiro, Lugo), A Devesa (Ribadeo, Lugo), Benigno Quiroga (Portomarim, Lugo), As Sinas (Vilanova de Arousa, Ponte Vedra), Os Chacotes (Palas de Rei, Lugo), Marinha Espanhola (Sada, A Corunha), Gandario (Bergondo, A Corunha), Pontemaril (Forcarei, Ponte Vedra) e Penedos de Jacinto (Entrimo, Ourense).
O galego campa! inclui novos materiais para o Repositório digital de tempo livre em galego, de livre acesso para educadores/as e para qualquer outra pessoa interessada. Serám propostas encaminhadas a fomentar o diálogo na língua própria da Galiza ao redor da igualdade entre mulheres e homens, a educaçom para a paz e a prevençom da violência de género.
