PGL – Diversas associaçons e colectivos organizam umha peregrinaçom pola Via da Prata com a mensagem «em defesa da língua que nos une» para reivindicar a importância da nossa língua de umha maneira lúdica. Começou a 10 de Outubro e continuará nos próximos domingos do mês.
O Caminho pola Língua será umha andarela simbólica «para levar o galego ao Caminho de Santiago» a jeito de peregrinagem, dividida em quatro etapas diferentes ao longo do tramo galego da Via da Prata, a rota do Caminho que decorre entre Ourense e Santiago de Compostela. Cada umha destas etapas fará-se na manhá dum domingo, e a primeira decorreou a dia 10, entre Ourense e Cea.
Na organizaçom do evento participam a plataforma Queremos Galego, a Associaçom Juvenil Amencer, o Serviço de Normalizaçom e a Concelharia de Voluntariado do Concelho de Ourense, com o apoio da Casa da Juventude da cidade das Burgas, a Coordenadora de Mestras e Mestres de Educaçom Infantil, a Casa de Juventude, Agrupaçom Cultural Auriense e a associaçom ecologista Amigos da Terra.
Segundo Xulio Iglesias, de Amencer, e Xosé Lois González “O Carrabouxo”, porta-voz ourensano de Queremos Galego, «a iniciativa está pensada para público de todas as idades, polo que cada etapa compreenderá umha distância nom superior aos 30 quilómetros ao longo de toda umha manhá».
Ao remate de cada jornada de caminho fará-se um acto simbólico, no qual um “padrinho” ou “madrinha” lerá um anaco dum manifesto em defesa da nossa língua que se completará a 31 de Outubro, data prevista para a chegada a Compostela. Aliás, plantará-se umha árvore autóctone (carvalho, teixo ou acivro) em cada ponto de chegada com umha mensagem a prol do galego para futuros caminhantes.
+ Ligaçons relacionadas:
- Para a Subdelegaçom do Governo espanhol em Ponte Vedra, defender a língua é delito [PGL, 17/09/2010]
- TSJG nom suspende ‘decretaço’ e a Mesa denuncia «manipulaçom» da CRTVG [PGL, 17/09/2010]
- «Dar aulas em galego, compromisso ou desobediência?”, mesa redonda no IES Ramón Aller de Lalim [PGL, 07/09/2010]
- O BNG denuncia violaçom dos direitos constitucionais de Queremos Galego [PGL, 17/07/2010]
