PGL – A plataforma Queremos Galego organiza para a quinta-feira, 9 de Setembro, o debate «Dar aulas em galego, compromisso ou desobediência?», no IES Ramón Aller de Lalim.
O acto contará com a presença do coordenador do livro Estudos xurídicos sobre o decreto do plurilingüismo, o juiz Luís Villares Naveira, e também algum dos autores que intervenhem no mesmo, como Alba Nogueira. Na mesa redonda analisarám a problemática que implica para os docentes a aplicaçom do decretaço no curso escolar que agora começa.
O evento pretende ser um lugar para debater as distintas questons e dúvidas que estám a surgir entre o professorado, sobretodo em relaçom com represálias ou sançons que podam derivar do ensino em língua galega das matérias nom previstas polo novo decreto, aprovado em solitário polo Governo do PP.
O ponto de encontro será o Instituto de Ensino Meio “Ramón Aller” da capital do Deça, de 20h30 a 22h30, no salom de graus do liceu.
+ Ligaçons relacionadas:
