PGL – O bar ’13’ de Compostela, em colaboraçom com a editora Danu, apresenta umha colecçom literária, ‘O lápis do taberneiro’. Ponto de encontro freqüente do activismo social e cultural de Compostela (está a uns metros do C. S. O Pichel), estreia-se precisamente com umha obra de Carlos Santiago, um dos espíritos inconformistas que artelhárom a plataforma Burla Negra ou a Rede Social Arredemo.
O livro de Santiago é um romance, Acantinado, que de facto foi escrito numha mesa do ’13’ e contou como fonte de inspiraçom acontecimentos mais ou menos reais surgidos no local, isto é, que vírom a luz numha taberna, como o próprio nome da colecçom sugere.
Os promotores do projecto contam com distribuir os livros no próprio bar e em várias livrarias de Compostela a preço reduzido, ainda Acantinado também se poderá consultar em linha. Após este lançamento inicial já está confirmado que em pouco tempo cheguem mais dous títulos que, obviamente, deverám ter umha base taberneira e respeitar determinadas convençons estilísticas com o número 13 polo meio (por exemplo, divisom em treze capítulos).
+ Ligações relacionadas:
