PGL – Neste sábado, 6 de Dezembro, a Orfeu, livaria portuguesa e galega, e a Couto Mixto, associaçom cultural galega em Bruxelas, convidam para a apresentaçom do Atlas Histórico da Galiza. O evento contará com a presença dos autores José Manuel Barbosa Álvares e José Manuel Gonçales Ribeira e está marcado para as 18h00 nos locais da Orfeu.
Na promoçom desta apresentaçom, da organizaçom destacam as mais de oitenta ilustraçons e mapas que oferece o Atlas Histórico da Galiza, bem como a combinaçom desses materiais gráficos com textos para oferecer uma visom que abrange todas as épocas e momentos históricos da Galiza.
Lembremos que esta obra, editada em norma AGAL por Edições da Galiza, marca editorial da Polífona Ediciones, conseguiu entrar no topo das dez publicaçons mais vendidas em galego, à par de obras como Por unha Galiza Liberada, de Xosé Manuel Beiras.
+ Notícias relacionadas:
- José Manuel Barbosa. A razom pola que escrevemos o Atlas Histórico da Galiza. PGL, 02 de Dezembro de 2008.
- Joám Manuel Araújo. Atlas Histórico da Galiza, de José Manuel Barbosa e José Manuel Gonçales Ribeira. PGL, 01 de Setembro de 2008.
