PGL – A iniciativa incide especialmente nas culturas emergentes e na naturalidade da vida quotidiana. A súa ferramenta principal é a web GalegoLab, unha rede social de crowdsourcing, para juntar apoios às acçons próprias e as que proponham os usuários e outros colectivos.
Por trás do projecto está todo um conjunto de pessoas da vida cultural e mediática da Galiza. «Somar esforços e vontades, conhecimentos e contactos, habilidades e afeiçons em defesa do galego, especialmente centradas nas culturas emergentes e nos sectores mais novos da sociedade» som os princípios básicos do projecto.
As primeiras propostas já estám colgadas na página. “Umha frase em galego à semana” consiste no desconto de consumiçons por dizer a frase da semana num local, “Máster de aldeia”está destinada à melhora da fonética daquelas pessoas que nom tivérom galego como língua materna e à melhora da percepçom da própria língua por parte da gente do rural. “Galegogym” pretende achegar a música em galego às táboas de exercícios dos centros de prática desportiva.
Como se pode ver, as propostas procuram socializar e normalizar o idioma em distintos âmbitos. Pode-se melhorar as ideias, já que algumhas som “ideias orfas”, propostas precisamente para incrementar as possibilidades, e também se pode comenta-las criando um usuário na página. A web já conta com usuários activos e com pessoas dispostas a levar a cavo as primeiras iniciativas.
+ Ligaçons relacionadas:
- Web de Iniciativa GalegoLab
- Achegar, partillar, activar: nace Iniciativa GalegoLab [Vieiros, 07/06/2010]
- GalegoLab soma-se à ”mareia de coragem civil” a prol do galego [El Progreso, 09/06/2010]
