O Ciclo focará no papel das mulheres no mundo da morte e da dor.
Segundo o Consello da Cultura Galega, entidade organizadora, esta temática tem “umha forte carga patrimonial e social, um mundo que une muitos territórios do rural galego e português, onde apresenta características comúns arredor do papel da mulher, as crenças e os ritos, mas também algumhas divergências.”
Estrutura-se em três jornadas continuas (quinta-feira, sexta-feira e sábado) nas que se projectarám duas longametragens, umha portuguesa e umha galega, e várias curtas também galegas e portuguesas, seguidas dum debate que contará com a participaçom das diretoras e diretores.
Na Jornada inaugural, no dia 27 de outubro, às 19h decorrerá a apertura do Ciclo com Rebeca Blanco-Rotea, coordenadora da Secçom de Património e Bens Culturais do CCG, umha representante da câmara municipal de Verim e
Rosario Álvarez Blanco, presidenta do Consello da Cultura Galega.
Às 19.15 decorrerá a projeçom de:
- A Metamorfose dos Pássaros, Catarina Vasconcelo, seguida do debate.
Na Jornada de curtas no dia 28 às 19h apresentaram-se:
- A menina que vía homes encadeados, Alicia López
- Arraigadas á terra, Lorena Álvarez Martínez e Iris Justo
- Santa Baia de Montes, Sabela Souto
- Barbas de baleia, Mariana Bártolo
- Agua mole, Alexandra Ramires (Xá) e Laura Gonçalves
- Em companhia da morte, Vanesa Vilaverde, João Aveledo e Eduardo Maragoto
- Mate, Pedro Noites
Na Jornada do dia 29 às 19h projectara-se:
- Negro púrpura, Sabela Iglesias e Adriana P. Villanueva
Ambos visionados serám, também, seguidos dum debate.
O objetivo do ciclo é promover a troca cultural entre Galiza e Portugal. Depois dumha primeira ediçom, que decorreu em Braga (Portugal) em três jornadas do mês de maio de 2018, a segunda ediçom foi em Vigo, no mês de setembro do 2019, e a terceira ediçom foi já em 2021, de novo num período de três dias, no mês de Outubro, e na cidade portuguesa de Arcos de Valdevez.
As instituições implicadas na organizaçom som o Consello da Cultura Galega, a Universidade do Minho (UMinho), o Centro de Estudos Galegos, o Camões – Instituto da Cooperação e da Língua, o Museo do Pobo Galego a través da Mostra Internacional de Cine Etnográfico e o Concelho de Verím.
