Partilhar

Marinha homenageia Míni e Mero polos seus 40 anos de trajectória musical

PGL – A comunidade associativa da Marinha organiza-se neste fim-de-semana na seqüência da Festa da Cultura para fazer umha homenagem nacional aos cantautores Mini e Mero. Vários dos músicos mais destacados da Galiza unirám vozes para expressar o agarimo e admiraçom por duas figuras senlheiras para a música e a história do País.

O lugar será Rio Torto, no oriente da Marinha. Míni e Mero, referência obrigada para o mundo associativo e activista do País, serám nomeados sócios de honra das entidades organizadoras no acto. Para a organizaçom, estas duas figuras significam «encontrarmo-nos com que fomos, somos e aspiramos a ser, mais alá da qualidade contrastada e dos gostos, os seus temas som para todos nós, consciência, memória, luita e Galiza”.

A organizaçom afunda no sentimento de gratitude cara ao trabalho desenvolto polo duo. «Homenageamos porque o seu trabalho é triunfo da generosidade, criaçom colectiva nom mercantilizada, porque o seu trabalho é festa da lealdade, tradiçom de nós que perdura, porque o seu trabalho é vitória da dignidade, liberdade de exercer de seu».

Após a nomeaçom como sócios de honra virá o concerto, em que participarám Susana Seivane, Os Tres Trebóns, Os Miñotos, Xavier Díaz e Ugia Pedreira, e encerrará com umha actuaçom dos homenageados. Entre a actuaçom de cada grupo farám uso da palavra pessoas vencelhadas à actividade destes dous galegos, como a escritora Marica Campo, Xesús Mato —promotor da música galega e impulsor de Fuxan os Ventos—, e Afonso Blanco, presidente de Xermolos e impulsor do Festival de Pardinhas.

A organizaçom da Festa da Cultura agradece por antecipado a participaçom desinteressada de todas as pessoas e grupos de música. Também quer indicar que se trata dumha homenagem aberta podendo-se somar a ele todas as pessoas e colectivos que assim o desejarem. Para achegar as adesons pode-se enviar correio ao endereço festadacultura[arroba]gmail.com.

 

+ Ligaçons relacionadas:

Lançamento de Tourists, go home? na Corunha

Efigénio Moura apresenta o romance Burela numa tournée por oito localidades galegas

Efigênio Moura: “É possível amar um lugar que nos aperta”

Efigênio Moura: “O galego é como se tivesse encontrado um parente que ninguém da família tinha me apresentado”

Ângelo Brea: “O amor pela família, o cuidado dos filhos ou as exigências de uma vida com grandes responsabilidades atravessam os milénios”

Burela, romance do escritor brasileiro Efigénio Moura, disponível em pré-venda na loja online da Através Editora

Lançamento de Tourists, go home? na Corunha

Efigénio Moura apresenta o romance Burela numa tournée por oito localidades galegas

Efigênio Moura: “É possível amar um lugar que nos aperta”

Efigênio Moura: “O galego é como se tivesse encontrado um parente que ninguém da família tinha me apresentado”