O Centro Cívico do Ensanche acolhe hoje a terceira jornada do ciclo Malas Línguas: ativando falantes do século XXI, organizado pela Deputaçom da Corunha. O tema central do dia será ‘Língua, infância e mocidade. Transmissom nom familiar da língua’ e contará com a presença de Séchu Sende, professor e ativista das Escolas Semente, que abrirá às 10.15 horas o programa com a sua intervençom ‘Argumentos para o galego’.
Continuará a mesa de debate ‘Atitudes e perceçons sobre a língua da mocidade galega hoje’, que reunirá a professora da Universidade Deusto Estibaliz Amorrortu, o professor e investigador Miguel R. Carnota e a professora da Universidade de Heriot-Watt Bernadette O’Rourke. Após do meio-dia será o turno dos argumentários de Pilar Ponte, professora de Língua Galega e Literatura, que dará passo à última mesa de debate do dia: ‘Experiências inspiradoras’. Nesta ocassom falarám Koldo Tellitu –presidente da Federaçom de Ikastolas-Ikastolen Elkartea–, Rute Palhares –presidenta da ANPA do CEIP Paraixal– e Paco Esteve i Beneito –filólogo e escritor–.
O programa de ‘Malas Línguas’ é uma iniciativa da Unidade Técnica de Normalizaçom Linguística da Deputaçom da Corunha que pretende “analisar a situaçom da língua com o objetivo de melhorarmos coletivamente as políticas linguísticas e o caminho da normalizaçom”. O ciclo finalizará o próximo 12 de abril com a última jornada, que estará centrada em Língua e géneros.
