PGL – Amanhá, sábado dia 15 de maio, às 12:30, apresenta-se na biblioteca “Ánxel Casal” de Santiago de Compostela a página web informativa e comemorativa do centenário do professor Ricardo Carvalho Calero, www.carvalhocalero2010.net.
A página é promovida por diversas entidades culturais como a Associaçom Galega da Língua (AGAL), a Mesa pola Normalización Linguística, a Fundaçom Artábria, a Associação Cultural Pró-AGLP, o Local Social Aturuxo, o Centro Social Gomes Gaioso e o Instituto Cultural Brasil-Galiza.
Neste site web pode-se encontrar a mais completa biografia e bibliografia de Carvalho Calero, assim como citas do autor, mediateca e informaçom sobre as actividades que as entidades promotoras realizam durante o ano 2010 sobre a obra do primeiro catedrático de língua galega da nossa história, além de Filho Ilustre da Galiza, segundo reconhecimento feito polo Parlamento em 1996.
O lançamento público correrá a cargo de José Tubio, reponsável polo site, e do presidente da AGAL, Valentim Rodrigues Fagim.
+ Ligaçons relacionadas:
