PGL – A organizaçom independentista Nós-UP acaba de lançar um apelo para o movimento galeguista retomar a iniciativa e voltar à rua em defesa do galego, depois da manifestaçom espanholista realizada na Corunha no domingo passado.
De Nós-UP acham que a hostilidade à língua que promove esse tipo de actos ficou bem reflectida no conteúdo de umha das faixas que iam na cabeceira da manifestaçom: «Gallego es igual a fracaso escolar».
E isso aconteceu na Corunha «a cidade adoptiva de Rosalia, de Pondal, de Murguia, de Curros Enríquez; a cidade natal dos irmaos Vilar Ponte, a Corunha da Cova Céltica e das Irmandades da Fala…», acrescentam.
Da organizaçom soberanista advertem do perigo que implica que a extrema direita local, «com reforços foráneos incluídos», tomem as ruas corunhesas e teimem em aparecer como independentes do ponto de vista político, «denunciando um pretenso problema de liberdades públicas a consequência da política lingüística da Junta».
É por isso, que de Nós-UP lançam um apelo para:
- O movimento lingüístico-cultural da Corunha artelhar umha resposta que demonstre a marginalidade e a falta de representatividade de quem ultimamente parece que se pretende eco de um clamor popular que nom existe.
- A esquerda soberanista e o nacionalismo galego em geral devem pressionar para que isto seja assim.
- Condenar a acçom repressiva das forças da ordem do Estado espanhol, que retivérom membros da Plataforma “Sei o que fizestes…” e a sóci@s do Centro Social Gomes Gaioso, abortando sendas iniciativas a favor da nossa língua.
+ Mais informaçom:
- Já se manifestarom os fachas: Agora tomemos nós a iniciativa. À rua em defesa do galego!!!. Nós-UP, 23 de Outubro de 2008.
- Só uns poucos centos de antigalegos na manifestaçom da Corunha em defesa do castelhano. PGL, 21 de Outubro de 2008.
- Paremos a demagogia e a mentira dos espanholistas. Na Galiza, em galego [Comunicado de Nós-UP]. PGL,19 de Outubro de 2008.
