Na segunda-feira desta semana, dia 5 de julho, o secretário geral de Política Linguística, Valentín García, participou no ato de inauguraçom da exposiçom Carvalho Calero “Mostra Bibliográfica”, que se celebrou na sede de Afundación. No ato intervinherom também Miguel Ángel Santalices Vieira, presidente do Parlamento de Galiza; Víctor Freixanes, presidente da Real Academia Galega; Victoria Carballo-Calero, filha do escritor protagonista da mostra; Pilar García Negro, professora da Universidade da Corunha e escritora, e Pedro Otero Espinar, diretor gerente de Afundación.
A exposiçom, impulsionada polo Parlamento da Galiza, chega a Ferrol depois de permanecer aberta vários meses em Santiago de Compostela. Inclui livros, cartas e documentos pertencentes à biblioteca e ao arquivo do professor homenageado com o Dia das Letras Galegas 2020, ambos depositados na Câmara galega.
