PGL – A Concelharia de Cultura da Corunha, a Universidade e a Asociación Socio-Pedagóxica Galega (AS-PG) querem render tributo à figura do ilustre corunhês Jenaro Marinhas del Valle (1908-1999) com motivo do centenário do seu nascimento.
Por este motivo decidírom organizar um homenagem que constará de diversas actividades ao redor do intelectual e escritor. Os actos repartirám-se em duas jornadas, a primeira das quais será amanhã, terça-feira dia 11 de Novembro, e a seguinte no dia 21.
A seguir reproduzimos o programa da homenagem.
Dia 11 de Novembro de 2008 (terça-feira)
Faculdade de Filologia da Universidade da Corunha
Às 12 h
- Apresentaçom dos actos. Primeira aproximaçom a Jenaro Marinhas del Valle.
Intervenções de María Xosé Bravo, Pilar García Negro, Pablo G. Mariñas, X. María Monterroso Devesa e Teresa López.Às 13 h
- Perfil humano-literário de Jenaro Marinhas. Henrique Rabunhal.
- Experiências em direcçom e encenaçom de obras teatrais de Jenaro Marinhas.
Intervenções de Lino Braxe e Francisco Rodríguez.Biblioteca de Estudos Locais (Durán Loriga)
Às 19h30
- ACTUALIZAÇOM DA NOTÍCIA: Da organizaçom informam-nos de que a conferência prevista para 11 de Novembro às 19h30 fica adiada para o dia 18.
Dia 18 de Novembro de 2008 (terça-feira)
Casa-museu Casares Quiroga
- Apresentaçom da obra dramática completa e de Caderno de Notas.
Intervenções de Alexandrina Fernández Otero, Lino Braxe e Pablo G. Mariñas.Dia 21 de Novembro de 2008 (sexta-feira)
Casa-museu Casares Quiroga
Às 18 h
- O feminino e o protesto na obra de teatro Ramo Cativo.
Intervenções de Kathleen March e Tareixa Campo.Às 19 h. Mesa redonda
- Continuidade dos pressupostos vanguardistas no teatro de Jenaro Marinhas. Laura Tato.
- Chaves expressivas do teatro de Jenaro Marinhas. Cilha Lourenço.
- O público na constituiçom de um teatro nacional: o pensamento de Jenaro Marinhas. Carlos Viscainho.
Teatro Rosalía de Castro
Às 20h30
- Encenaçom d’A Velada. Teatro proscrito (Memorial Iván Toxeiro. Asociación Alexandre Bóveda)
- Exposiçom Jenaro Marinhas: drama e exemplo do século XX galego.
Ainda, da organizaçom informam que no mês de Dezembro a Casa-museu Casares Quiroga acolherá umha exposiçom que pretende ajudar a difundir a vida e obra de Jenaro Marinhas del Valle, «um intelectual galeguista sempre comprometido com a dignificaçom da nossa cultura», apontam.
Homenagem da AGAL
Por sua parte, a Associaçom Galega da Língua (AGAL) realizará a sua particular homenagem a Jenaro Marinhas del Valle. Será nos dias 26, 27 e 28 de Fevereiro de 2009 com um congresso dedidado na íntegra «a um vulto das nossas letras, nobre defensor da Galiza e figura imprescindível para o reintegracionismo», em palavras de Alexandre Banhos, presidente da AGAL.
Além do congresso, do qual já daremos mais informações no PGL, a AGAL também publicará umha reediçom d’A Vida Escura (umha obra que na altura está esgotada) e um volume no qual se publicará umha escola de textos da autoria de Marinhas del Valle e que fôrom divulgados na revista Agália e em diversas conferências. Este segundo volume acompanhará-se também de umha extensa e cuidada biografia da autoria de Joel R. Gômez, autor do perfil biográfico do ilustre corunhês que ainda podemos ler no antigo PGL.
+ Ligações relacionadas:
- Biografia de Jenaro Marinhas del Valle [contributo de Joel R. Gômez para o velho PGL]
